Albistea entzun

Fantasiazko eta Beldurrezko Zinemaren 30. Astea

'Extra Ordinary' filmarentzat ikusleen sari nagusia

Film laburren sailean, ikusleen saria eta epaimahaiaren aipamen berezia jaso ditu The Burden/Het Juk lanak.

'Extra Ordinary' filmeko pasarte bat.
'Extra Ordinary' filmeko pasarte bat. BERRIA

Miren Garate -

2019ko azaroak 1

Rose da Extra Ordinary pelikulako protagonista nagusia, Irlandako herrixka bateko autoeskola bateko irakaslea. Maitasunezko eta gorrotozko harremana du bere botere paranormalekin, eta ez ditu erabili nahi izaten. Egun batean, ordea, nahitaez erabili beharko ditu, arrakasta handia izandako rock musikari batek deabruarekin egindako tratu baten ondorioz, nerabe bat arriskuan dagoelako. Istorio hori kontatzen du Mike Ahern eta Enda Loughman zuzendariek elkarrekin egindako lehen film luzeak. Ikusleen ustez, huraxe izan da Fantasiazko eta Beldurrezko Zinemaren 30. Asteko filmik onena.

Film laburrik onenaren kategorian, Herbehereetako lan bat aukeratu dute ikusleek, Nico van den Brink zuzendariaren The Bunden/Het Juk. Lan horrek, epaimahai ofizialaren aipamen berezia ere jaso du, "bere istorio biribilagatik, gidoiak, originala izateari utzi gabe, ezin hobeto biltzen baititu aldi berean beldurrezko genero klasikoaren elementu guztiak".

Alabaina, epaimahai ofizialaren ustez, Dean W. Law zuzendariaren Stray izan da aurtengo film laburrik onena, "bere egikera bikainagatik eta, batez ere, gidoiaren originaltasunagatik, maisutasun handiz heltzen baitie alegoria binarioei". Hain zuzen, Itziar Castrok, Fernando Iwasakik eta Elisa McCauslandek osatu dute epaimahaia, eta lan horretan Melinda Joan Reed aktoreak egindako antzezpena ere nabarmendu dute. The Burden/Het Juk lanak ez ezik, Erica Scogginsen The Boogeywoman film laburrak ere jaso du epaimahaiaren aipamen berezia, "arakatu eta gainditu egiten duelako munstroaren arketipoa".

Gainerako sariak:

Ikusleen saria animaziozko film labur onenari: Maestro. Illogic. Frantzia.

Ikusleen saria Espainiako film labur onenari: La última Navidad del universo. David Muñoz eta Adrian Cardona.

Zilarrezko Melies saria Europako film labur onenari: Turn / Umskipti. Sesselia Olafsdottir eta Peter Callow. Finlandia-Islandia.

Gazte epaimahaiaren saria film labur onenari. O.I. N'cee van Heerden. Kanada.

Syfy saria Espainiako film labur onenari. El fin de todas las cosas. Norma Vila.

Blogos de oro saria film luze onenari. Bliss. Joe Begos. AEB.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Antso Jakituna erregea eta Benjamin Tuterakoa bidaiaria elkarrizketan, Tuterako gazteluko ganberan. ©IÑAKET

Mundua Tuteratik zeharkatzea

Iñigo Astiz

Mikel Begoña gidoigileak eta Iñaki Martinez 'Iñaket' marrazkilariak XII. mendeko Nafarroa multikulturala irudikatu dute 'Benjamin Tuterakoaren bidaia aparta' komiki liburuxkan

Formatu ezberdineko lanak bildu dituzte erakusketan. ©JAGOBA MANTEROLA / FOKU
Juan Luis Zabala eta Koldo Izagirre idazleak, gaur goizean, Donostiako Udal Liburutegiaren atarian. ©Jon Urbe / Foku

'Kronikak', Txillardegiren lekuko begiak

Itziar Ugarte Irizar

Jose Luis Alvarez Enparantza 'Txillardegi'-k 1968 eta 1986 bitartean hainbat agerkaritan emandako kronikak argitaratu ditu Susak. Koldo Izagirrek eta Jose Luis Zabalak apailatu dute bilduma.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.