Migratzaileak

Essexen kamioi batean aurkitutako 39 gorpuak vietnamdarrak dira

Aurretik, Vietnamgo poliziek zortzi lagun atxilotu zituzten, kasuarekin lotuta.

Essexen topatutako kamioia, urriaren amaieran.
Essexen topatutako kamioia, urriaren amaieran. VICKIE FLORES / EFE

Iosu Alberdi -

2019ko azaroak 7

Vietnamgo Poliziak baieztatu du urriaren amaieran Essexen (Ingalaterra) kamioi baten barruan aurkitutako 39 gorpuak vietnamdarrak direla. Herrialde hartako Poliziak susmoa zuen, eta duela egun batzuk zortzi lagun atxilotu zituen heriotza horiekin lotuta. Erresuma Batuko Poliziak "pauso garrantzitsutzat" jo du baieztapena, eta azaldu du lanean ari dela Vietnamgo Poliziarekin. Adierazi dute orain hildakoen familiek euren senideak diren baieztatzea izango dela lehentasuna.

Poliziak berehala atxilotu zuen kamioaren gidaria, eta zuhurtziagabekeriazko 39 homizidio delitu egotzi dizkiote, baita pertsonak trafikatzeko konspirazioa ere. Haren estraditaziorako prozesua abiatu dute orain. Egun bat geroago, beste bi lagun ere atxilotu zituen Poliziak, kasuarekin lotuta. Beste bi lagunen bila ere ari dira Ipar Irlandan, horiek ere zuhurtziagabekeriazko homizidio delituekin eta pertsonen trafiko delituekin lotuta.

Gaiak lehen lerrora ekarri du Erresuma Batura sartzeko migratzaileen trafikoa. Astelehenean, Bilboko portutik Erresuma Batura migratzaileak bidaltzen zituen talde bat desegin zuen Guardia Zibilak, eta Erresuma Batuko Poliziak adierazi du kamioilari bat atxilotu dutela gaur bertan hamabost lagun Erresuma Batura "ilegalki" sartzeagatik. Herbeheretako Poliziak ere hamasei lagun —hamabi heldu eta bi adingabeko— ezkutuan zeramatzan kamioi bat geratu du, Ijmuideneko portuan. Hartu nahi zuen ontziak Erresuma Baturako bidea zeraman. Kamioi horren gidaria ere atxilotu egin dute.

 

 

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna