Albistea entzun

Egoera ekonomikoa

Tapiak ez du baztertu Euskaltelen kontseilari bat edukitzea

Jaurlaritzako Ekonomiaren Garapenerako sailburuak berretsi du konpainia laranjak «baldintza guztiak» betetzen dituela Jaurlaritza haren akziodun bilakatzeko Finkatuz funtsaren bidez

Arantxa Tapia artxiboko argazki batean.
Arantxa Tapia artxiboko argazki batean. JONAS NOLDEN / EFE

Xabier Martin -

2019ko azaroak 20 12:57

«Enpresak dituen baldintzak eta dauden akziodunen itunak aintzat hartuta, Euskaltelen sustraitzea ez dago arriskuan, inolaz ere», esan du Tapiak Onda Vasca irratian. Hala ere, sailburuak argitu du Euskaltelek «baldintza guztiak» betetzen dituela gobernua akziodun gisa sar dadin Finkatuz funtsa baliatuta; baina, sartuko balitz, ez litzateke izango erreferentziazko akziodun gisa. Horrek ez du esan nahi, ordea, inbertsioa gauzatzen bada Jaurlaritzak kontseilari bat edukiko ez duenik konpainiaren barruan.

«Kotizatutako enpresa bati buruz ari garela jakin behar dugu, eta, beraz, iragarpenek, edozein albistek, arazoak edo hobekuntzak eragin ditzakete kotizazioan». Zuhurtzia eskatu arren, garbi utzi du Finkatuz funtsarentzat egoki izan daitekeen inbertsioa dela Euskaltel, «herriarentzat izaera estrategikoa duelako eta euskal industriaren trakzio egilea delako». Beraz, iragarri gabe, are gertuago utzi du Jaurlaritza Euskaltelen sartzeko aukera: «Parte hartze hori har genezake epe luze baterako«.

«Euskadin arraun egitera» deitu du

Egoera ekonomikoaz ere aritu da Jaurlaritzako Ekonomiaren Garapeneko sailburua; krisi posible bati buruz, zuhurtzia eta lasaitasuna eskatu du: «Zenbaki negatiboei buruz» hitz egin beharko litzateke atzeraldian egoteko; «moteltzean ez, hazkunde negatiboan egon beharko genuke horretarako, geldialdi batean eta hiruhileko batzuetan segidan ekoizpena apaltzen». Baina egoera ez dela hori esplikatu du Tapia sailburuak, «ezta hurrik eman ere». «Badakigu ekonomia moteltzen ari dela, 2018an baino gutxiago hazten ari dela, eta 2017an baino gutxiago ere bai. Hala ere, Alemaniak ere izkin egin dio atzeraldi teknikoan erortzeari, eta hura da joerarik negatiboena erakusten ari zena».

Hori dela eta, esan du orain arte bezala «inbertsioak egiten jarraitu» behar dela, «teknologia guztiak garatuz eta pertsonak trebatuz, lasterketa gal ez dezagun». Adoretzeko hitzaldi moduko baten traza hartu dute adierazpenek: «Bizi garen ziurgabetasun garaiaz jabetu behar dugu, nazioartean hartutako erabaki geopolitikoen ondorioz». Donald Trump AEBetako presidenteak eragin duen gerra komertziala aipatu gabe, muga zergen aroari erreparatu dio. «Zuzenean eragiten ari da Euskadin, baina ezin gaituzte etsipenera eraman eta geldiarazi».

Ezkortasunaren gurpil ero batean ez sartzeko eskatu du Arantxa Tapiak. «Badakigu badirela zailtasunak, baina lanean jarraitu behar dugu,  euskaldunak arrakastatsu atera daitezen moteltzetik. Arraunean jarraitu behar dugu; are sendoago, zailtasunak daudenean».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Federico Lopez, Jose Luis Zubeldia, Juan Mari Perez, Bittor Eskisabel eta Jose Mari Lazkano. ©RAUL BOGAJO / FOKU

«Gure dirua eskatzen dugu; iruzur egin digute»

Maddi Iztueta Olano

Geroako Kaltetuak plataformako kideek estatutua aldatzea eta horren berri ez ematea egozten diete zuzendariei eta sindikatuei. Helburu argia dute: euren dirua, nahi duten eran, berreskuratzea.

 ©Guillaume Fauveau

Mobilizazioa iraunarazi eta gogortu nahi dute sindikatuek

Ekhi Erremundegi Beloki

Milaka pertsona elkartu dira Baionan erretreten erreformaren kontra. Larunbatekoa mobilizazio «erraldoia» izatea espero dute

Tecnalia enpresaren makina bat, iazko azoka batean. ©Oskar Matxin / FOKU

Gipuzkoako esportazioek 10.000 milioi euro gaindituko dituzte aurten

Iñaut Matauko Rada

2023a «ziurgabetasun urtea» izango dela aurreikusten du Bazkundeak, baina Gipuzkoako enpresak prest daudela adierazi dute.

Grebara deitu duten sindikatuetako ordezkariak, atzo, Iruñeko Kondestablearen jauregian. ©IÑIGO URIZ / FOKU

Nafarroako langile publikoak grebara deitu dituzte hilaren 15erako

Itsaso Jauregi

ELA, LAB, UGT, CCOO eta Steilasen arabera, gobernuak ez du negoziatzeko borondaterik izan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.