Zinema

'La trinchera infinita' filmak Goya sarietarako 15 izendapen lortu ditu

Malagan emango dituzte sariak, datorren urtarrilaren 25ean

Filmaren fotograma bat
Filmaren fotograma bat Moriarti

Berria -

2019ko abenduak 2

Donostiako Zinemaldiko gidoi onenaren saria eta zuzendari onenarena ez ezik, Irizar eta Feroz sariak eta Fipresci saria ere jaso zituen Aitor Arregi, Jon Garaño eta Jose Mari Goenagaren La trinchera infinita filmak. Baliteke lorturiko sarien zerrenda handitzea laster, Goya sarietarako 15 izendapen lortu baititu filmak, tartean filmik onenari emango diotena.

Urtarrilaren 25ean banatuko dituzte sariak, Malagan (Espainia).

1936ko gerrako istorio bat kontatzen du filmak, egiazko hainbat kasutan oinarrituta: faxisten kolpearen biharamunean, errepresalien beldur etxean ezkutatu, eta 33 urtetik gorako itxialdia bizi izan zuen bikote baten istorioa. Belen Cuesta eta Antonio de la Torre aktoreak dira protagonistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna