Albistea entzun

Bizkaiko metalgintza

FVEM: «Sindikatuek maiatzaren 10eko plataforma alboratu zutelako izan da posible ituna»

Bizkaiko metalgintzako akordio giroa beste arlo eta lurralde batzuetara zabaltzea nahiko luke patronalak.

Sindikatuek antolaturiko manifestazio bat, FVEMen egoitzaren arrean.
Sindikatuek antolaturiko manifestazio bat, FVEMen egoitzaren arrean. MARISOL RAMIREZ / FOKU

Imanol Magro Eizmendi -

2019ko abenduak 4 13:17

«18 urteren ondoren mugarri bat izatea nahiko genuke. Bizkaiko metalgintzan ikusi dugu sindikatu eta enpresariak akordioak lortzeko gai garela, eta beste arlo eta lurralde batzuetara zabaltzea nahiko genuke». Jose Luis Lopez Gil FVEM metalgintzako enpresen Bizkaiko Federazioko presidenteak txalotu egin du sektoreko lan hitzarmena berritzeko akordioa, CCOO, LAB eta UGT sindikatuekin lorturikoa. “Akordio ona da, bai enpresarientzat eta bai langileentzat, eta oso garrantzitsua lurraldearentzat ere”.

Enpresarien buruak nabarmendu duenez, akordioa posible izan da sindikatuek alboratu egin dutelako maiatzaren 10ean eraturiko plataforma «onartezina». «Horrek jarrerak gerturatzea ahalbidetu du, eta, horretarako, beharrezkoa da gauza batzuei uko egitea, negoziatzea...”. Alde horretatik, enpresari batzuek «intimidazioa» jasan izana gaitzetsi du.

ELA sindikatuak ez du sinatu akordioa, eta FVEMeko buruak argi utzi nahi izan du berak nahiago lukeela ELAk ere sinatu izan balu, baina ez dela ezer berria, 1994az geroztik ez baitu sinatu. Hala, ELAk eginiko salaketari erantzun dio. Sindikatuak CCOO, LAB eta UGTrekin Lan Harremanen Kontseilutik kanpo bildu izana egotzi zioten. FVEMek ez ditu ukatu, baina zehaztu du sindikatu “guztiekin” izan zituztela harremanak, “baita ELArekin ere”. Harreman horiek udan izan ziren, aurten eginiko bost eguneko grebaren ondoren.

Enpresarien buruak lan hitzarmeneko hainbat arlo aztertu ditu, eta, besteak beste, mugikortasuna eta ABLEn erabilerari mugarik ez jartzearen garrantzia nabarmendu du, “gure enpresariek eginiko eskaera bat izan zelako”. Era berean, azaldu du soldatak eguneratu egin direla, %3,7 igoz, baina ez direla atzerapenak ordainduko. «Eguneratu bai, ordaindu ez», argitu du Lopez Gilek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zentral eoliko bat Yanchengen (Txina). 2025. urtean Txinarena izango da munduko energia eskariaren heren bat. ©ALEX PLAVEVSKI / EFE

Hiru urte barru berriztagarriak izango dira munduko argindar iturri nagusia

Paulo Ostolaza

Ikatza gaindituko dute, IEA Nazioarteko Energia Agentziaren arabera. Datozen hiru urteetako eskariaren igoera ere energia berriztagarriekin eta nuklearrarekin aseko da ia erabat.

LAB sindikatuaren mobilzazioa, asteazken honetan ©Guillaume Fauveau

LABek pentsio sistema propioa aldarrikatu du

Berria

Manifestazioa egin du Hendaia eta Irun artean. Euskal Herriko alderdi politikoak deitu ditu Madrilen eta Parisen murrizketa gehiago ez onartzera. Frantziako sindikatu nagusiek beste mobilizazio egun bat antolatu dute hilaren 16rako.

Novaltiako eta Vulcanizados Zuloagako grebalariak protestan, Lan Ikuskaritzaren Bilboko egoitzaren atarian. ©ELA Bilbo

Enpresen «konplize» izatea egotzi diote Novaltiako eta Vulcanizados Zuloagako grebalariek Lan Ikuskaritzari

Iñaut Matauko Rada

Ikuskaritzaren egoitzaren atarian elkarretaratzea egin dute grebalariek. Greba eskubidea «etengabe» urratzen zaiela gogorarazi dute.

Javier Remirez Nafarroako Funtzio Publikoko kontseilaria. ©Iñigo Uriz / Foku

Nafarroako Gobernuak baztertu egin du bere langileei soldata gehiago igotzea

Iker Aranburu

«Baliabideak mugatuak dira», argudiatu du Javier Ramirez Funtzio Publikoko kontseilariak. Soldatak inflaziora parekatzea da hilaren 15eko grebaren eskakizunetako bat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...