Noiz sortua: 2019-12-12 10:51:49

Pentsioen erreforma

Ipar Euskal Herrian kalera atera dirahirugarren egunez, pentsioen erreformaren kontra

Sindikatuek borrokan jarraitu beharra adierazi dute, eta azpimarratu atzo lehen ministroak eginiko adierazpenek haserrea areagotu dutela.

Hirugarren egunez kalera atera dira Ipar Euskal Herrian

Ekhi Erremundegi Beloki -

2019ko abenduak 12

Jende andana elkartu da Angelun greba mugimenduaren hirugarren mobilizazio egunean. Eguraldi kaxkarrak ez du uxatu jendea, eta ehunka lagun atera dira manifestazioan. FSU, CGT eta FO sindikatuetako kideak izan dira manifestazioaren buruan, eta Frantziako presidente Emmanuel Macroni dei egin diote martxan duen pentsioen erreforma atzera botatzeko. Pentsioak: Macron/Delevoye proiektua erretiratu. Enplegua, zerbitzu publikoak eta lansarien alde ageri da pankartan.

Mobilizazioak BAB2 merkataritza gunerako bidea hartu du, baina, manifestariak hara iritsi aurretik, ateak itxi dituzte. "Dena itxi dute beldur direlako. Etsigarria da. Koldarrak", adierazi du erosketak egitera zioan andre batek, manifestariei babes keinua eginez. Gauza bera gertatu da Leclerc supermerkatura gerturatu direnean ere. Ateak itxita topatu dituzte, barruan erosleak begira zeudela.

Grebak eta mobilizazioek aurrera jarraituko dutela adierazi dute sindikatuek, erreforma bertan behera geratu arte. "Mobilizatuak eta motibatuak gaude; eguraldi txarra izanik ere, jende anitz bada", adierazi du CGTko kide Samathan Hourquescosek. Edourd Philippek erreformaren gakoak azaldu zituen atzo, eta horrek kalera ateratzeko indarra eman diela dio CGTko kideak: "Argi erran zuen erretretaren adina gibelatuko zuela; gu zatitzen saiatu da 1975etik aitzina sortu direnei bakarrik aplikatuko zaiela erranez; erregimen bereziak kentzen ditu, baina batzuk atxiki... Enfin! Gaur hemen egoteko arrazoiak eman dizkigu". Hourquescosen esanetan, erreforma "bere osotasunean" baztertzea da helburua, eta horretarako "eguneroko" borrokaren beharra azpimarratu du.

FO sindikatuko Herve Larreuquertek gehitu du jendea "biziki haserre" dagoela, eta are gehiago sutu dituztela atzo lehen ministroak eginiko adierazpenek: "Funtsean ez du ezer aldatu. Haserreak bere kontra monopolizatzea besterik ez du lortu". Astelehenetik aitzina, garraiolariak ere greba mugimenduan sartuko dira, eta horrek eragina izanen duela espero du FOko idazkariak. Zortzi petrolio iraztegietatik zazpi blokeatzeko asmoa dute.

LABeko Eñaut Aramendik, berriz, Euskal Herrirako sistema propio baten alde egin du, "borroka Parisen" gertatuko den arren, lan egin beharra azpimarratuta: "Alternatiba hemendik proposatu dezakegu: sistema propio eta duin baten alde borrokatu beharko dugu”. Urtarrilaren 30ean izanen den greba orokorra indartzera ere deitu du. Aramendiren esanetan, greba sektore anitzetara zabaldu beharra dago, eragin handiagoa izan dezan: "Frantzia mailan, maluruski, ez da estrategia iraunkorrik grebaren inguruan. Nik uste dut ezinbestekoa dela ahalik eta langile gehienek greba egin eta mobilizazioetan parte hartzea. Ezin dugu utzi trenbideetako langileen esku mugimendu hau; intersindikalari hasieratik erran diogu: denak batera atera behar gara kalera. Nire ustez, estrategia aldatu beharko genuke, kontsumoan ere eraginez. Utz diezaiogun greba egunetan kontsumitzeari: ekonomia blokeatu nahi badugu benetan, ez da beste aterabiderik".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Herritarrak Ermuan, farmazia batean ilara egiten. ©ANDONI CANELLADA / FOKU

Beste bi kutsatu eta sei hildako azken orduetan

Maider Galardi F. Agirre

Eusko Jaurlaritzaren azken datuen arabera, koronabirusaz kutsatutako beste bi kasu atzeman dituzte Bizkaian PCR proben bidez, eta sei lagun hil dira azken egunean. Guztira 1.717 proba egin zituzten EAEn, atzo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna