Lehertutako pneumatiko batek gizon baten heriotza eragin du gaur 13:30 inguruan Agurainen (Araba), eta beste bi lagun larri zauritu ditu. EITBren arabera, Ertzaintzak jakinarazi duenez, ezbeharra Gurutzebide industrialdean gertatu da, Cariñanos nekazaritzarako makineriako lantegian: traktore baten pneumatikoa lehertu egin zaio biktimari, hura puzten ari zela. Hildakoa aguraindarra zen, eta 68 urte zituen. Larri zauritutako bi pertsonak Gasteizko Santiago ospitalera eraman dituzte.
Lan istripuak
Gizon bat hil da lan istripuz Agurainen
Pneumatiko baten eztandak 68 urteko gizon bat hil du, eta beste bi pertsona larri zauritu. Nekazaritzarako makineriako Cariñanos lantegian gertatu da ezbeharra, Agurainen (Araba), Gurutzebide industrialdean.
Iruzkinak
Ez dago iruzkinik
Ordenatu
