Albistea entzun

Teknologia

'Itzuli' itzultzaile neuronalaren telefonorako bertsioa aurkeztu dute

Android eta iOS sistemetarako bertsioak ditu, euskaratik gaztelerara eta alderantziz itzultzen du, eta testu idatziarekin zein ahotsarekin dabil.

Edu Lartzanguren -

2019ko abenduak 20

Duela bi hilabete aurkeztu zuten Itzuli itzultzaile neuronalaren Interneteko bertsioa. Gaur goizean, berriz, hurrengo urratsa erakutsi dute Donostian: giza burmuinaren ahalmena imitatzen duen itzultzailearen telefonorako bertsioa.

Bingen Zupiria Jaurlaritzako Kultura eta Hizkuntza Politikako sailburuak eta Xabier Arrieta Informatika eta Telekomunikazio zuzendariak aurkeztu dute aplikazioa. Esan dutenez, weberako bertsioak arrakasta handia izan du: egunero 50.000 itzulpen egiteko eskatzen dizkiote, eta azken hilabetean milioi bat itzulpen egin ditu.

«Bi hizkuntzak beren eguneroko bizitzan erabiltzen dituztenei tresna berritzaile eta eraginkor bat eskaintzea» izan da helburua, Zupiriak esan duenez. «Itzuli-ren web bertsioaren datuek erakutsi digute bi hizkuntzetan bizi diren milaka lagunentzat baliagarritasun handiko tresna dela». Edonola ere, batez ere gazteen artean telefonoaren erabilerak ordenagailuari aurrea hartu diola iritzita, «uste genuen zerbitzua app baten bidez ere eskaini behar zela».  

Android eta iOS sistema eragileetarako bertsioak ditu Itzuli-k. Ordenagailurako bertsioak bezala, euskaratik gaztelaniara eta alderantziz itzultzen du. Edonola ere, itzulaldi bakoitzean gehienez 4.000 karaktereko testuak itzul daitezke, baina nahi adina saio egin ahalko dituzte erabiltzaileek. Testuak tekleatu, itsatsi, edo audio gisa sar daitezke. Jaurlaritzako ordezkariek esan dutenez, ahotsaren bidez sartutako testuen kasuan, «aplikazioak hobetzeko tartea handia du oraindik», batez ere iOS sisteman, Applek «euskara bere hizkuntzen artean aintzat hartzen ez duelako oraindik», Arrietak azaldu duenez.

Telekomunikazio zuzendariak esan duenaren arabera, gaztelania-euskara itzulpenak ohikoagoak dira alderantzizkoak baino, bi aldiz gehiago gutxi gorabehera. Edonola ere, euskara-gaztelania itzulpenetan «kalitatea hobea» dela argitu du. Itzuli-ren erabilera «egunez egun hazten» ari dela gaineratu du. Egunean 9.000 erabiltzaile ditu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Estitxu Villamor Lomas eta Ortzi Akizu-Gardoki ikerlariak, Errekaleorren. ©ENDIKA PORTILLO / FOKU

Bestelako eredu baterako akuilu

Edurne Begiristain

Gasteizko Errekaleor auzoarentzat «mugarria» izan zen duela bost urte Iberdrolak argindar sarerako lotura moztu izana. Ordutik, auzo okupatua burujabea da energia elektrikoari dagokionez, eta bizimodu autogestionatuari esker, aztarna energetikoa murriztea lortu du.
Itsaso Bengoetxea, Ana I. Rodriguez, Amaia Bacigalupe, Aintzane Orkaizagirre eta Maribel Romo, hitzaldiak hasi aurretik. ©ANDONI CANELLADA / FOKU

Zaintzaren bidetik osasunera

Arantxa Iraola

Pazienteen erabakimena sustatzea, zaintzaren alde ezkutuak aintzatestea, genero ikuspegia txertatzea, heriotzan laguntzea: osasun arta dira horiek ere
Donostialdeko ESIko zerbitzuburuek egindako agerraldia, atzo, Donostian. ©JON URBE / FOKU

«Harreman asimetrikoak» hausteko eskatu diote Jaurlaritzari

Edurne Begiristain Iosu Alberdi

Donostialdeko ESIko zerbitzuburuek kontsultarako mahai bat proposatu diote Gasteizi, bitartekari lana egiteko

Jonan Fernandez, atzo, gazteen emantzipaziorako estrategia aurkezten. ©IREKIA

Emantzipatzeko laguntzak jasoko dituzte 25 eta 29 urte artekoek

Edurne Begiristain

Jaurlaritzak gazteen emantzipazioa sustatzeko estrategia ondu du. 2030erako 29 urtera jaitsi nahi du gurasoen etxea uzteko adina

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...