Urrezko Globoak

'1917' eta Tarantino irabazle Urrezko Globoetan

The Irishman-ek ez du saririk lortu, eta Marriage Story-k, bakarra. Telesailen artean, Succession-ek eta Fleabag-ek eskuratu dituzte sari gehien.

Mendesek bi Urrezko Globo irabazi ditu: drama filmik onenarena, eta zuzendaririk onenarena.
Mendesek bi Urrezko Globo irabazi ditu: drama filmik onenarena, eta zuzendaririk onenarena. Christian Monterrosa / EFE

Andoni Imaz -

2020ko urtarrilak 6

Urrezko Globoetarako izendapen gehien zituzten pelikulen artean, Netflix zen nagusi. The Irishman eta Marriage Story drama onenaren saria irabazteko hautagai sendoak ziren, baina Hollywoodeko atzerriko prentsaren elkarteak ezustekoa eman du bart: Sam Mendesen 1917 pelikulari eman dizkiote drama onenaren eta zuzendari onenaren sariak. Garai aproposean, gainera: filma datorren asteburuan estreinatuko dute Hego Euskal Herriko zinema aretoetan, eta hurrengo asteazkenean, berriz, Ipar Euskal Herrikoetan. Lehen Mundu Gerrari buruzko filma da, eta plano sekuentzia baten itxurarekin filmatu dute.

Bong Joon-ho, Todd Phillips, Martin Scorsese eta Quentin Tarantino ziren zuzendari onenaren Urrezko Globoa jasotzeko gainontzeko hautagaiak. Horien gainetik saritu dute Mendes (American Beauty, Road to Perdition, Skyfall...), eta Scorsese bera aipatu du saria jaso duenean: «Areto honetako zuzendari bakar bat ere ez dago Scorseseren itzaletik kanpo», esan du. The Irishman faboritoetako bat zen, baina ez du saririk lortu.

Komedia edo musikalik onenaren saria Tarantinoren Once Upon a Time in... Hollywood filmak irabazi du. Zuzendariak gidoi onenarena ere jaso du, eta hura ere harritu egin du The Irishman-en gainetik geratu izanak: «Ezin dut sinetsi Steve Zailliani [The Irishman-en gidoilariari] irabazi diodanik». Pelikulak hiru sari jaso ditu guztira, Brad Pittek taldeko gizonezko aktorerik onenaren saria irabazi baitu.

Ricky Gervais komedianteak aurkeztu du gala, eta broma ugari egin ditu Netflixi buruz, Urrezko Globoen gala ia Netflixena zela esateraino. Izan ere, plataformak sekulako sarrera izan du sariketan: haren filmek 17 izendapen lortu zituzten, eta telesailek, beste horrenbeste. Azkenean, sari bana jaso dute: Laura Dern aktoreak taldeko emakumezko aktorerik onenarena, Marriage Story-n egindako lanarengatik, eta Olivia Colmanek telesailetako emakumezko drama aktorerik onenarena, The Crown-en antzeztu duen paperagatik.

Joaquin Phoenix aktoreak zeresan handia eman du azken boladan, Joker film entzutetsuan protagonistaren rol ikusgarria antzeztu zuelako. Hari eman diote gizonezko drama aktore onenaren saria. Emakumezko onenarena, berriz, Renee Zellwegerri. Judy Garland aktorearena egin du Judy pelikulan; hilaren amaieran estreinatuko dute.

Komediaren alorrean, berriz, Taron Egertoni eman diote gizonezko aktore onenaren saria, Rocketman filmean Elton Johnen papera egiteagatik, eta Awkwafinari, berriz, emakumezko onenarena, The Farewell filmean egindako lanagatik.

Ingelesez besteko filmik onenaren saria Bong Joon-horen Gisaengchung-i eman diote.

Telebistako sariak

Telesailen artean, bi garaile argi egon dira: Succession-en eta Fleabag-en bigarren denboraldiak. Dramarik onenaren saria eman diote batari, eta komediarik onenarena besteari. Gainera, Succession-eko Brian Cox aktoreak irabazi du gizonezko drama aktorerik onenaren saria, eta Phoebe Waller-Bridge Fleabag-eko aktore protagonistak, emakumezko komedia aktorerik onenenarena.

Chernobyl minisaila ere nabarmendu dute Urrezko Globoetan: hari eman diote, besteak beste, urteko minisail onenaren saria.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna