Musika

Placebo taldea BBK Live jaialdian ariko da

Bilboko musika festibala uztailaren 9tik 11ra egingo dute, eta Erresuma Batuko taldeak lehen egunean joko du

Placebo taldea, orain dela bi urte Madrilen emandako kontzertu batean.
Placebo taldea, orain dela bi urte Madrilen emandako kontzertu batean. Victor Lerena / EFE

Berria -

2020ko urtarrilak 10

Loud Like Love azkeneko diskoa aurkeztu zuenetik sei urte igaro direla, Placebo taldeak Bilboko Kobetamendin joko du, uztailaren 9an, BBK Live jaialdiaren barruan. Ez da Brian Molkok gidatzen duen taldeak festibalean parte hartuko duen lehenengo aldia, 2006an —artean Bilbao Live izenarekin egin zen— eta 2009an ere jo baitzuen bertan. Azkeneko urteetan nahiko geldirik egon da Placebo, eta, 2016an, taldearen 20. urtemugaren harira, A Place For Us To Dream – 20 Years Of Placebo atzera begirako diskoa argitaratu zuen, urteurrena ospatzeko.

Aurretik beste hainbat artistaren izenak zituen iragarriak BBK Livek: Kendrick Lamar, Caribou, The Rapture, Perfume Genius, The Killers, Supergrass, Pet Shop Boys, Bad Bunny, FKA Twigs, Xabi Bandini, El Columpio Asesino, Leon Benavente eta abar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna