Dakar rallyak eta heriotzak bat egin dute berriz ere gaur: Pablo Gonçalves moto gidari portugaldarrak istripua izan du, eta erietxean hil da. 40 urte zituen, eta duela bost urteko aldian bigarren izan zen. Hamahirugarren aldiz segidan ari zen parte hartzen proba ezagun horretan, eta emaitza onena 2015ean izan zuen, bigarren sailkatu baitzen.
Zazpigarren etapa jokoan zela izan du istripua, aldi honetako etaparik luzeenean: 546 km. Istripua bide erdian izan du, 263. kilometro inguruan. Helikopteroak aurkitu du, konortea galduta eta bihotza geldituta. Laylako (Arabia Saudi) erietxera eraman dute, baina bertan hil da.
Dakarren azkeneko bost urteetan izan den bigarren heriotza da. 2015ean, Michal Hernik poloniar moto gidaria hil zen.
