Unai Mendia (Beasain, 1981) Ordiziako futbol entrenatzailea zen iaz Espainiako Hirugarren Mailan. Egun Mirandesen dabil, Bigarren Mailan, eta datorren astean Espainiako Kopako finalerdietan Realaren aurka ariko dira (elkarrizketa zozketa egin aurretik argitaratu da).
Nola sortu zen Mirandesera joateko aukera?
Uda honetan Andoni Iraolak bigarren entrenatzaile bat behar zuen, eta nitaz hitz egin zion bion lagun batek. Kafe bat hartzeko gelditu ginen eta hor hasi zen dena.
Iraola ez zenuen lehenagotik ezagutzen?
Egia da 17 urterekin Gipuzkoako selekzioan topo egin genuela, baina ez genuen elkarren arteko harremanik.
Taldean gipuzkoar asko zaudete: Iraola, Guridi, Merquelanz…
Euskaldunak dezente gara. Gipuzkoarrez gain bizkaitarrak ere badaude, eta elkarren artean euskaraz egiten dugu. Etxean egotea bezalakoa da, oso giro sanoa dugu aldagelan taldekide guztiok. Gorka Quijera kapitaina Hernanikoa da, taldean urte asko daramatza eta asko lagundu dit taldera egokitzen.
(jarraitu elkarrizketa irakurtzen, Goierriko Hitza-n).
