Barakaldoko (Bizkaia) udaltzainek emakume bat hil dute, tiroz, hura zihoan autoa udaltzainak harrapatzen saiatu ostean. Lapurtutako auto batean zioan hildakoa, Poliziatik ihesi. Harekin zioan gizonezkoa, gidaria, ospitalera eraman dute, zaurituta.
Ertzaintzaren arabera, gertaerak Portugaleten (Bizkaia) izan du hasiera. Herri hartako udaltzainek lapurtutako auto bat identifikatu dute, eta, barruan zirenek ihes egitean, atzetik jarraitu diete. Barakaldorako bidea hartu dute, eta hiriko Errekatxo auzoan gerarazi dituzte. Poliziaren arabera, une horretan udaltzainak harrapatzen saiatu dira autoarekin, eta tiroka erantzun dute agenteek. Ertzaintzak udaltzainen pistolak hartu ditu, ikertzeko.
