Ipar Euskal Herriko lau irratik osatzen duten Euskal Irratiak federazioak haurrentzako saio berri bat eskainiko du astelehenetik aurrera. Astelehenetik ostiralera emango dute, goizeko hamarretan hasita, eta kantuek, ipuinek eta bestelako edukiek osatuko dute saioa.
Euskal Irratiak adierazi duenez, entzuleek parte hartuko dute. Izan ere, entzuleei eskatu diete euren kantu, ipuin edota bertsoak prestatzeko, eta eurei bidaltzeko. Posta elektronikoz bidal daitezke audioak, edo, bestela, irratiko langileek telefonoz graba dezakete sorkaria.
Irrati hauek dira Euskal Irratiak: Gure Irratia (Uztaritze), Antxeta irratia (Hendaia), Xiberoko Botza (Maule) eta Irulegiko Irratia (Donibane Garazi). Dena den, eguneroko programazioaren %80 bateratua egiten dute.
