Komikia

Uderzo hil da, Asterixen sortzailea

Marrazkilaria 92 urterekin zendu da, bihotzeko baten ondorioz

Albert Uderzo, 2005ean, Obelix eta Asterixekin.
Albert Uderzo, 2005ean, Obelix eta Asterixekin. Francois Walschaerts /EFE Tamaina handiagoan ikusi

Mikel Lizarralde -

2020ko martxoak 24

Albert Uderzo marrazkilari eta komikigile frantziarra hil da gaur, Neuillyn, bere senideek jakinarazi dutenez. Heriotza azken hilabeteetan zituen bihotzeko arazoen ondorioa izan da, eta ez du zerikusirik koronabirusarekin, familiak adierazi duenez. «Azken asteetan oso nekatuta zegoen», esan du haren suhi batek.

Beste hainbat lan egin zituen arren, Asterix Rene Goscinny gidoilariarekin sortutako pertsonaiaren inguruko istorioek eman zioten ospea eta arrakasta 1960ko hamarkadaren hasieran. 1959an agertu zen aurreneko aldiz erromatarrei aurre egiten dien galiar txikia, Pilote aldizkariaren orrietan, eta 1961ean argitaratu zuten pertsonaia protagonista zuen lehenengo album autonomoa: Asterix galiarra. Berehala, Asterix, Obelix eta komikiko beste pertsonaiak oso ezagunak egin ziren Frantzian, eta Uderzok eta Goscinnyk haien abenturetan jarri zituzten indar guztiak. Hala, urtero bi album joan ziren argitaratzen zenbait urtez.

1977an Goscinny hil egin zen, eta Uderzok bere gain hartu zuen gidoia ere. Horrek mantsotu egin zuen argitalpen erritmoa.

Euskaraz ere bide luzea egin dute Asterixen istorioek. 1976tik 1978ra bitartean, Mas-Ivars Editores argitaletxeak zortzi album kaleratu zituen, Jesus Maria Arrieta Sagastik itzuliak. Honako hauek dira dira zortzi lan horiek, jatorrizko argitalpen urtea zehaztuta: Asterix galesa (1961), Asterix eta urrezko igitaria (1962) Asterix eta godoak (1963), Asterix eta Kleopatra (1965), Buruzagien borroka (1966), Asterix eta normandoak (1967), Asterix legionarioa (1967) eta Asterix Helvetian (1970).

1980ko hamarkadaren amaieran, berriz, Elkar argitaletxeak heldu zien Asterixen abenturei. Horrela, aurreko zortzi lanez gain, Asterixen album guztiak kaleratu zituen; besteak beste, Asterix Bretainian (1966), Asterix joko olinpikoetan 1968), Asterix Hispanian (1969), Jainkoen egoitza (1971), Aztia (1972), Zesarren oparia (1974), Obelix eta konpainia (1976) eta Asterixen semea (1983).

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Rafael Bengoa, artxiboko irudi batean ©Gorka Rubio / Foku

«Mikrokonfinamenduak» ezartzearen alde dago Bengoa

Irati Urdalleta Lete

Eusko Jaurlaritzako Osasun sailburu ohiak aztarnari falta dagoela azpimarratu du. Uste du agerraldiak egotea herritarren portaeraren eta administrazioaren kudeaketaren ondorioa dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna