Noiz sortua: 2020-03-27 16:15:11

Alarma egoera

Espainiak zaildu egin du langileak kaleratzea

Enpresek ezin izango dute argudiatu koronabirusaren krisiagatik arrazoi ekonomikoak, teknikoak, antolakuntzakoak edota ekoizpenekoak dituztela langile bat botatzeko. Aldi baterako erregulazioak erabiltzeko eskatu du. Aldi baterako kontratuak ere luzatu beharko dira, osasun krisia amaitu arte.

Langile batzuk lanean, aste honetan
Langile batzuk lanean, aste honetan Jon Urbe (Foku) Tamaina handiagoan ikusi

Jokin Sagarzazu -

2020ko martxoak 27

Alarma egoerak eragindako arrazoiengatik ezingo da langilerik kaleratu Hego Euskal Herian. Hala erabaki du Espainiako Gobernuak, ostiral honetan eginiko Ministroen Kontseiluan.

Enpresek ezin izango dute argudiatu koronabirusaren krisiagatik arrazoi ekonomikoak, teknikoak, antolakuntzakoak edota ekoizpenekoak dituztela langile bat botatzeko. Ezingo dituzte arrazoi objektibo gisa aurkeztu arazo horiek; bai, ordea, aldi baterako erregulazioak egiteko —orain bezala—. Alarma egoeraren harira ezohiko neurriak jasotzen dituen errege dekretuan oinarritu da gobernua erabaki hori hartzeko.

«Ezin da kaleratzerik egon, [dekretu horretan] mekanismo zabala ezarri dugulako enpresek aldi baterako erregulazioei heldu ahal izateko», adierazi du Yolanda Diaz Lan ministroak.

Koronabirusa, hortaz, ezingo da arrazoi objektibo gisa erabili inor kaleratzeko. Enpresek, baina, dekretuan jasotzen ez diren beste arrazoi batzuk erabili ahalko dituzte. Diazek gogoratu duenez, epaile batek erabaki dezake gero erabaki hori bidezkoa, bidegabea ala baliorik gabea den.

Aldi baterakoak, luzatuak

Era berean, gobernuak agindu du osasun krisiak iraun bitartean indarrean mantentzeko aldi baterako kontratuak —prestakuntzakoak, errelebokoak eta bitartekoak, baren—. Denbora horretan kontratu horiek amaitzen badira, horien iraupena luzatu egingo da. «Hau parentesi bat da guztiontzat », azpimarratu du Diazek. Alegia, martxo amaieran amaitzen zutenei, kontratua luzatu egin beharko diete, gutxienez alarma egoera kendu arte.

Hortaz, Espainiako Gobernuaren asmoa da enpresek hartzen duten lan doikuntzarako neurri oro enplegua etetearen bidetik egitea, hau da, enplegua erregulatzeko dosierren bitartez.

Hego Euskal Herrian 10.000 lagunek baino gehiagok galduko dute lanpostua hil honetan; Lanbidek 9.000 zenbatu ditu jada Araban, Bizkaian eta Gipuzkoan. Enplegurako agentzia publikoak, baina, ez du zehaztu horietatik zenbat izan diren kaleratzeak eta aldizkako edo behin-behineko kontratuen amaitzeak, eta horietatik zenbat egin diren alarma egoera indarrean sartu zenetik.

Halaber, eta atzoko datuen arabera, ia 110.000 langileri eragiten dieten aldi baterako erregulazioak aurkeztu dituzte Hego Euskal Herrian.

Enplegu erregulazioen kontrola

Diazek jakinarazi du gobernuak modua zehaztu duela enplegua erregulatzeko txostenen tramitazioa arintzeko eta langileek lehenbailehen kobratu ahal izateko dagokien langabezia saria. Horiek «oso azkar» onartuko dituztela ziurtatu du ministroak, martxoaren 10ean jaso ditzaten orain dagozkienak —hil bakoitzaren hamargarren egunean jasotzen dira sari horiek—. Gogoratu du, halaber, behar adina kotizatu ez dutenek ere hori jasotzeko eskubidea dutela.

Era berean, lan ikuskaritzak enplegu etenaldi guztiak ofizioz berrikusiko dituela ohartarazi du, eta nabarmendu iruzurra atzemanez gero enpresek diru guztia itzuli beharko dutela, langileen prestazioa barne. «Eredugarritasuna eskatzen diet enpresaburuei, eta lanpostuei eusteko».

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna