Nafarroako Gobernuko eta Eusko Jaurlaritzako iturri ofizialek jakitera eman dutenez, 34 pertsona gehiago hil dira atzotik Covd-19ak jota Hego Euskal Herrian. Guztira 1.070 pertsonek galdu dute bizitza, datu ofizialen arabera.
Jaurlaritzako Osasun planifikaziorako zuzendariak, Mikel Sanchezek esan duenez, ordea, positibo eman dutenen joera beheranzkoa da. Atzo testak egindako guztietatik %16ek eman zuten baiezkoa, orain arteko daturik baxuena. Ospitalizaziorako joera ere beheranzkoa dela nabarmendu du. Azpimarratu du segurtasun neurriak zorrotz jarraitzeko: distantzia soziala mantentzeko eta sarri-sarri garbitzeko eskuak.
Hego Euskal Herrian 15.110 pertsonek eman dute positibo Covd-19arekin, iturri ofizialen arabera.
