Aldaketa izango da datorren denboraldian Helvetia Anaitasunaren aulkian. Iñaki Anizek ez du segituko Iruñeko taldea zuzentzen. Sasoi amaieran amaitzen zitzaion kontratua, eta hala adostu dute klubak eta teknikariek. Batak bestearentzat esker hitzak baino ez dituzte izan erabakiaren berri ematerakoan. "Gauza asko egin ditugu ondo, sentipen hori dut. Ahaztuko ez ditudan oroitzapenak eta bizipenak daramatzat nirekin. Asko ikasi dut, bai pertsona zein entrenatzaile moduan". Adierazi du Anizek. Bigarren aldia zuen Anizek Anaitasunaren aulkian. Hain zuen ere orain bi sasoi itzuli zen Iruñeko taldea gidatzera.
Klubak, berriz, egindako lana eskertu dio Anizi. "Batez ere klubaren balioekiko erakutsi duen konpromisoarengatik. Adibidez, harrobiarekiko. Baita ere erdietsitako kirol helburuengatik. Adibidez, Espainiako Kopako zortziko finalerako sailkatzea. Nekaezina izan da haren lana, eta beti eskertuko diogu. Hau beti izango da bere etxea". Koronabirusaren pandemiak txapelketa eten zuenean, Anaitasuna hamaseigarren postuan zegoen sailkapenean, hamahiru punturekin, jaitsiera postuetatik bi puntura, beraz, Baina sailkapena estu zegoen, eta zazpigarren postua hiru postura zuen.