Inbertsioak

Bilboko Portuak 67 milioiko inbertsioari eutsi dio, jarduera apaldu egingo den arren

Nasa berri baten urbanizazioa jasoa dago, besteak beste, aurtengo aurrekontuan. Portuko agintaritzak esan du aurrera egingo duela inbertsio handiak, nahiz eta jarduera jaitsiko den

Bilboko Portua. MARISOL RAMIREZ / FOKU
xabier martin
2020ko apirilaren 29a
13:22
Entzun

Nasa berri bat urbanizatzeko eta beste bat zabaltzeko 67 milioi euroko aurrekontua dauka 2020. urterako Bilboko Portuak, eta ez du atzera egingo inbertsio horretan, jakin badakien arren jarduera apaldu egingo dela. Jadanik behera egin du, izan ere, koronabirusaren geldialdiak eraginda.

"Industria jarduera eta jarduera logistikoa jaitsiko dira" aurten, portuko agintaritzaren arabera, eta horrek nabarmen apalduko ditu trafikoa eta diru sarrerak. Baina, hala ere, inbertsioari bere hartan eutsiko dio portuak.

"Ekonomia eta enplegua" suspertzeko helburuz aurrera eramango dituzte Bilboko Portuan aurreikusitako lanak. AZ1 eta nasa nagusian egingo dituzte lan horiek. 2018an, aurreko urtearen emaitzak berdindu zituen ia portuak. 2019ko jardueraren emaitzak ez ditu oraindik jakinarazi agintaritzak.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.