Errugbia

Gizonezkoen Ohorezko Mailako bi ligak bertan behera geratu direnez, Hernani jaitsi egin da, eta Getxo, igo

Emakumezkoetan, Eibarrek liga nagusira igotzeko kanporaketa jokatu beharko du. 

jarraia180783.jpg
Aitor Manterola Garate.
2020ko maiatzaren 1a
10:31
Entzun

Espainiako Errugbi Federazioak hartu du erabakia: gizonezkoen Ohorezko Mailako bi ligak bertan behera utzi ditu. Ondorioz, koronobirusaren krisiagatik lehiaketa eten zeneko sailkapenei eman die balioa, eta horrek  Euskal Herriko bi talderi eragiten die. Izan ere, Hernani B mailara jaitsiko da, igo zenetik zortzi urtera, azkena zelako sailkapenean. Getxok, aldiz, kontrako bidea egingo du, eta Ohorezko Mailan jokatuko du datorren sasoian, B mailako multzo guztiak kontuan hartuta, talde onena delako. Duela bi urte igo zen azkenekoz. Horrenbestez, datorren denboraldian ere, Euskal Herriko bi talde ariko dira maila nagusian: Ordizia eta Getxo. Ohorezko Mailako txapeldun Quesos Entrepinares izan da. 

Emakumezkoen Ohorezko B Mailan, Eibar zen aurrenekoa etena gertatu zenean. Hala ere, Federazioak erabaki du liga nagusira igotzeko kanporaketa jokatu egin beharko dela. Egunik ez du zehaztu. Aurkariak zein izango dituen, ordea, badaki Eibarrek: Les Abelles, Hortaleza eta Sant Cugat. Finalerdiak eta finala jokatu beharko dituzte, eta irabazlea zuzenean igoko da. Txapeldunordeak kanporaketa jokatuko du Iberdrola Ligako azken-aurrekoaren aurka: L'Hospitalet. 

 

 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.