Lan istripua

Luiaondon hildako langilearen heriotza salatu dute sindikatuek Laudion

40 urteko basoko behargin bat lanean hil zen atzo. Sindikatuek langileen segurtasuna bermatzeko inplikazio handiagoa eskatu diete enpresei eta administrazioei.

Sindikatuetako ordezkariek enpresaren aurrean egin dute elkarretaratzea, Laudion. LUIS JAUREGIALTZO / FOKU
2020ko maiatzaren 6a
18:07
Entzun

ELA, LAB, ESK, Steilas, EHNE eta HIRU sindikatuetako ordezkariek elkarretaratze bat egin dute gaur Laudion (Araba), Frias baso enpresaren aurrean, salatzeko enpresa horretako behargin bat lanean hil zela atzo Luiaondon (Araba), zuhaitz batek jota. Langilea gizonezkoa zen, Zeanurikoa (Bizkaia), eta 40 urte zituen.

Sindikatuek nabarmendu dute langileen osasuna eta segurtasuna bermatzeko neurriek duten garrantzia, eta horretan gehiago inplikatzeko eskatu diete enpresei eta administrazioei, «lanetik bizirik itzultzeko eskubidea bermatzeko». Azaldu dute protestan segurtasun neurriak hartu dituztela. Bestalde, Laudioko Udaleko bozeramaileen batzarrak ohar bat zabaldu du langilearen senitartekoei haien dolumina erakusteko.

Protestan, sindikatuek gogorarazi dute gaur bete direla hiru hilabete Joaquin Beltran eta Alberto Sololuze langileak Zaldibarko zabortegiko luizian (Bizkaia) desagertu zirela.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.