Protesta artean hartu dituzte gaur goizean Iñigo Urkullu Eusko Jaurlaritzako Lehendakaria, Nekane Murga Osasun Sailburua eta Juan Diego Osakidetzako Zuzendari Nagusia Barakaldoko Gurutzetako ospitalean. Koronabirusa duten pazienteak artatzeko birmoldatutako eremuak ikusteko bisita bat egin dute agintariek. Ospitalean barna zebiltzala, langileek protesta egin dute agintarien kontra, baliabide gehiago eta langile gehiago eskatzeko, bertzeak bertze.
Gurutzetako langileek protesta egin dute Urkullu eta Eusko Jaurlaritzako kideek ospitalera egin duten bisitaren aurrean. #COVID19pic.twitter.com/XtMXujEfNt
— herrikolore (@herrikolore) May 11, 2020
LAB Sindikatuak ohar bidez adierazi duenez, osasungintzako langileek pairatu behar izan duten arriskua eragotzi zitekeen, eta Jaurlaritzari leporatu dio interes ekonomiko eta elektoralak gizartearen osasunaren gainetik jartzea. Sindikatuak, gainera, Nekane Murgaren dimisioa ere eskatu du. LABek salatu duenez, protesta eragozten saiatu dira, baina nabarmendu dute lortu dutela lehendakariari beren haserrea eta ezinegona adieraztea.
ð;Â;ŸÂ”˜ ORAINTXE, LANGILE ETA ORDEZKARI SINDIKALEN PROTESTA URKULLUREN AURREAN GURUTZETAKO OSPITALEAN.
— LAB Osakidetza (@LABosakidetza) May 11, 2020
ð;Â;ŸÂ”˜AHORA MISMO, PROTESTA DE SINDICATOS Y PERSONAL DE OSAKIDETZA ANTE URKULLU EN EL HOSPITAL DE CRUCES. pic.twitter.com/ywTqWJPNe6
«Zuhurtzia» eta «zorroztasuna»
Protestaz gaindi, herritarrei «zuhurtzia» eta «zorroztasuna» eskatu dizkie Urkulluk: «Egindako ahalegina eta egindako bidea ezin dugu bertan behera utzi».Urkulluk nabarmendu du inoiz baino beharrezkoagoa dela prebentzio eta autobabes neurriak hartzea. Azpimarratu du euskal gizarteak heldutasuna, seriotasuna eta erantzukizuna erakutsi dituela, eta eskatu du ez emateko atzerapausorik norbanakoaren eta taldearen «konpromisoan».
