Noiz sortua: 2020-05-27 21:42:02

Hezkuntza

Unibertsitate tasak jaitsi beharko dituzte Hego Euskal Herriko administrazioek

Castells Espainiako Unibertsitate ministroak adierazi du unibertsitateek finantzaketa gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Manuel Castells Espainiako Unibertsitate ministroa, joan den astean, Diputatuen Kongresuan.
Manuel Castells Espainiako Unibertsitate ministroa, joan den astean, Diputatuen Kongresuan. Kiko Huesca / Efe Tamaina handiagoan ikusi

Andoni Imaz -

2020ko maiatzak 27

Espainiako Unibertsitate Ministerioak gehieneko tasa bat ezarriko die Hego Euskal Herriko unibertsitateei datozen urteetan. Matrikulek 2011-12 ikasturtean zuten prezioa izango dute, eta administrazioek 2022-2023 ikasturtera arteko epea izango dute jaitsiera ezartzeko. Eusko Jaurlaritzak ez du bat egin Manuel Castells Unibertsitate ministroaren proposamenarekin.

Zenbait hedabidek zabaldutako informazioaren arabera, Eusko Jaurlaritzak adierazi du tasak jaistea euskal administrazioaren eskumena dela, unibertsitateek finantzaketa arazoak izango dituztela, eta duela hilabete onartu zituztela Araba, Bizkai eta Gipuzkoarako neurriak, «hezkuntza komunitatearekin adostu ondoren».

Hala, ministerioaren proposamena onartu egin dute autonomia erkidegoekin egindako bilera batean, baina ez aho batez —Eusko Jaurlaritzaz gain, PPren eta Ciudadanosen esku dauden autonomia erkidegoetako gobernuak daude aurka—; dena dela, ez dute bozkatuko, eta guztiek bete beharko dute. Castells ministroak duela aste batzuk proposatu zuen unibertsitate tasak jaistea. Erreferentziazko kopuru bat ezarri dute: 18,46 euro kreditu bakoitzeko. Prezioa kopuru hori baino %15 handiagoa edo %15 txikiagoa duten erkidegoei agindu diete 2011-2012 ikasturteko zenbakietara itzultzeko. Egun, Nafarroan kredituak hori baino gehiago balio du; Araban, Bizkaian eta Gipuzkoan, ez.

Castellsek bertan behera utzi du 2012tik prezioak finkatzen zituen «urkila sistema»; Mariano Rajoy Espainiako Gobernuko presidente izendatu zutenez geroztik, autonomia erkidego gehienek igo zituzten unibertsitate tasak.

Espainiako Unibertsitate Ministerioak adierazi du «funtsezkoa» dela unibertsitate publikoen finantzaketa handitzea, eta hori ezin dela egon «baliabide gutxien dituzten familien eta ikasleen bizkar».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 30 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hamalau positibo daudela jakinarazi du Osasun Sailak, eta dagoeneko 707 PCRren emaitzak jaso dituzte. Beharrezkoa dela ikusiz gero «irmo» arituko direla ziurtatu du sailburuak. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu. Neurriak zorroztuko dituzte arratsaldean.

Testak egiteko asmoz Ordizian atzo ipinitako karpa. ©JON URBE / FOKU

«Nor ez da ibiltzen hor!»

Arantxa Iraola

Zazpi positibori atxikita, ostatu gune batean ibilitako herritarrei testak egin dizkie Osakidetzak: 900 PCR proba egin dituzte, eta negatibo eman dute lehen 91k. Boluntarioa izan da parte hartzea. Ordizia, Beasain eta Lazkaoko eguneko zentroak itxi egin dituzte, eta zahar etxeetan bisitak kendu dizkiete zazpi egunez. Eskualdeko beste zahar etxeetan, halaber, kalera irteteko aukerarik gabe utzi dituzte bertan bizi diren adinekoak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna