Noiz sortua: 2020-05-28 10:03:10

Txina

Hong Kongerako Segurtasun Legea onartu du Txinak

Parlamentuak lege proiektua onartu ostean, batzorde bat arduratuko da garatzeaz. Arauak eskumen gehiago ematen dizkio Txinako Poliziari.

Txinako presidente Xi Jinping, pantaila handi batean, Hong Kongen. /
Txinako presidente Xi Jinping, pantaila handi batean, Hong Kongen. / Wu Hong/EFE Tamaina handiagoan ikusi

Arantxa Elizegi Egilegor -

2020ko maiatzak 28

Aldeko 2.878 botorekin, kontrako bakarrarekin eta sei abstentziorekin onartu dute bart Hong Kongerako Segurtasun Legea. Egitasmoak Txinako Parlamentuaren onespena behar zuen aurrera egin ahal izateko, eta, hori lortuta, batzorde berezi baten esku geratuko da. Ekain hasieran bilduko da batzordea —bi hilabetetik behin egiten dituzten lan saioak—, eta orduan egingo du hurrengo urratsa proiektuak.

Pekinen ez bezala, zalantza eta kezka asko eragin ditu arauak Hong Kongen. Demokraziaren aldeko mugimenduen bultzatzaileek iritzi diote «askatasunen eta eskubideen aurkako neurri bat» dela, eta haren aurka egitera deitu dituzte herritarrak, hori bai, modu baketsuan.

Legeak, besteak beste, sedizioa, sezesioa eta atzerriko esku hartzea zigortzea du helburu, baina eztabaida gehien eragin duen puntua zera izan da, Txinako segurtasun indarrek hainbat eskumen izango lituzketela Hong Kongen, eta askatasun gehiagorekin jokatu ahal izango luketela. Pekinek ez du argitu, ordea, horrek zehazki zer esan nahi duen.

Normalean Hong Kongi eragiten dioten legeak bertako legebiltzarrak berretsi behar dituen arren, badira alor batzuk —defentsa eta atzerri gaiei dagozkienak esaterako— zuzenean Pekindik arautu daitezkeenak, eskualde autonomoaren onespenik gabe. «Gustuko izan ala ez, legezkoa da egin dutena. Baina galdera asko daude argitzeke. Txinako Poliziak izango du eskumena Hong Kongeko herritarra atxilotzeko? Edo edonoren etxeak eta bulegoak miatzeko? Iruditzen zait Hong Kongeko herritarrek ez luketela halakorik onartuko», nabarmendu du Albert Chenek, Hong Kongeko Unibertsitateko Zuzenbide irakasleak.

Proposamenaren 4. artikuluan zehazten denez, «beharrezkoa denean» Txinako Gobernuak segurtasun bulegoak zabaldu ahal izango ditu Hong Kongen, «segurtasun nazionala bermatzeko». Arauak, ordea, ez du zehazten zer eskumen izango dituzten bulego horiek, ez eta Hong Kongeko Polizia haien esanetara egongo ote den ere, edo Txinako Poliziaren operazioek eskualde autonomoko gobernuaren onespena beharko ote duten.

Joan zen igandean manifestazio handia egin zuten Hong Kongen, legearen kontra protestatzeko. Koronabirusaren larrialdia hasi zenetik egindako lehenengo manifestazioa izan zen.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna