Noiz sortua: 2020-06-01 15:07:54

Komunikazioa

Irene Monteroren 'off'-eko elkarrizketa filtratu izana gaitzetsi du EITBk

Martxoaren 9an, En jake saioan, elkarrizketa egin zioten Espainiako Berdintasun ministroari, eta aurretik kazetariarekin izandako solasaldia filtratu du Abc egunkariak.

Irene Montero Berdintasun ministroa, artxiboko irudi batean.
Irene Montero Berdintasun ministroa, artxiboko irudi batean. Emilio Naranjo / EFE Tamaina handiagoan ikusi

Lander Muñagorri Garmendia -

2020ko ekainak 1

Espainiako politikan hautsak harrotu dituzte Irene Montero Berdintasun ministroak esandako batzuek: «Martxoaren 8ko manifestazioetan jendea gutxiago ibili izana koronabirusaren ondorio izan zen, baina ez dut hori esango». ETB2 kateko En jake saioan elkarrizketa egin zioten ministroari Martxoaren 8ko mobilizazioen biharamunean, eta elkarrizketa horren aurretik kazetariarekin izandako solasaldian esan zituen hitz horiek. Abc egunkariak gaur goizean eman du argitara bideo hori.

Eguerdian, EITBk ohar bat kaleratu du, eta filtrazioa «tamalgarritzat» jo, baita horrek ministroari berari ekar diezaiokeen kaltea ere. Era berean, argi utzi nahi izan du hedabide publikoak filtrazio horrekin ez duela inongo zerikusirik izan, eta En jake saioak elkarrizketa zuzenean eman zuela.

EITBk ere argitu du «elkarrizketa egin aurretik izandako solas lasaia» ez zela En jake saioan izan, ezta beste inongo saiotan ere. Hedabide publikoa ekintza judizialak gauzatzea aztertzen ari da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna