Noiz sortua: 2020-06-05 16:58:39

Partzuergoko haur eskolak ekainaren 22an irekiko dituztela jakinarazi diete sindikatuei

LABek plantorako deia egingo du, «prebentzio plan egokia» adostu ezean.

Arroabeko haur eskola, artxiboko irudi batean
Arroabeko haur eskola, artxiboko irudi batean urola kostako hitza Tamaina handiagoan ikusi

Irati Urdalleta Lete -

2020ko ekainak 6

LABek azaldu duenez, Haurreskolak partzuergoak bilera batera deitu ditu sindikatuak. «Bertan iragarri digutenaren arabera, ekainaren 22tik aurrera Haurreskolak partzuergoko zentroek haurrak aurrez aurre jasotzeko aukera zabaltzen da, behin alarma egoera bukatuta», ziurtatu du sindikatuak. LABek «gogor» salatu du Eusko Jaurlaritzaren eta Haurreskolak partzuergoaren gerentziaren «etengabeko inprobisazio eta noraeza». Egoera ikusita, datorren astean bilera egitea eskatu dute haurrekin lanean hasteko prebentzio plana negoziatzeko. Gainera, aurreratu dute plantorako deia egingo dutela prebentzio plan «egokia» adostu ezean. «Argi dugu egoera hau haurtzaindegi pribatuek zabaltzeko egin duten presioagatik hartutako erabakia dela, eta Eusko Jaurlaritza haurren eta langileen osasuna interes ekonomizistengatik arriskuan jartzen ari dela».

Steilasek ere ohar bidez adierazi duenez, jakinarazi diete hilaren 22an irekiko dituztela Partzuergoko haur eskolak. Sindikatu horren iritziz, Haurreskolak partzuergoko langileek aurrez aurreko lanera bueltatu nahi dute, baina beharrezko prebentzio eta osasun neurriek eta baliabideek soilik «normalizatuko» dute egoera. Steilasek ere prebentzio neurriak zehazteko eskatu du, sindikatuekin eta haur eskolekin elkarlanean. «Haur eskolen kasuan, inon baino garrantzitsuagoak dira prebentzio neurriak». Gainera, sindikatuak uste duela haur eskola bakoitzak COVID-19ak eragindako kutsadura egoera baterako kontingentzia plana zehaztuta eduki behar duela.

Ekainaren 22an irekiko direla esanda, enpresak orain arte sindikatu, langile eta familiei helarazitako informazioa ezerezean utzi duela esan dute, «kontraesankorrak» direla iritzita. Haurreskolak partzuergoak esan izan du irailera arte ez dela zerbitzurik emango.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Gazte bat Iruñeko igerileku batera sartzen, joan den astean. ©IDOIA ZABALETA / FOKU

Bi lagun hil dira eta bertze hogei positibo atzeman dituzte Euskal Herrian

Maddi Ane Txoperena Iribarren

Detektatutako azken kasuetatik bosna daude Araban, Bizkaian, Gipuzkoan eta Nafarroan. Baliteke batek lotura izatea Orioko kasuekin

Produktibitatea
Hainbat pertsona Iruñean, maskarak jarrita dituztela. ©IÑIGO URIZ / FOKU

Nafarroan 10.351 pertsonak pairatu dute gaitza, gobernuaren arabera

Igor Susaeta

Hego Euskal Herrian bost pertsonak eman dute positibo PCR proban. Murgarentzat, orain ez dago «transmisio komunitariorako arriskurik»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna