Izurria orain arte ukitu gabeko lekuetara zabaltzen ari da

Amerikan dagoeneko munduko kasuen ia erdiak dauzkatela esan du Osasunaren Erakunde Panamerikarrak.

Carissa Etienne, Osasunaren Erakunde Panamerikarraren zuzendaria.
Carissa Etienne, Osasunaren Erakunde Panamerikarraren zuzendaria. ERIK S. LESSER / EFE Tamaina handiagoan ikusi

Edu Lartzanguren -

2020ko ekainak 9

«Kezkatuta gaude datuek erakusten dutelako birusa zabaltzen ari dela lehen kasu gutxi eduki dituzten lekuetan», esan du gaur Osasunaren Erakunde Panamerikarraren zuzendari Carissa Etiennek. Erakundearen datuen arabera, Amerikako kontinentean 3,3 milioi kasu atzeman dituzte, hau da, munduan baieztaturiko 6,8 milioi kasuen ia erdiak. Dagoeneko 183.950 amerikar hil ditu gaitzak.

AEBak dira gogorren jotako herrialdea, baina erakundea kezkaturik dago Mexikoz, Panamaz, Costa Ricaz, Brasilez, Peruz eta Txilez ere. Asko ugaritu dira kasuak Haitin, esaterako, eta Etiennek gogoratu du herrialde horrek duela kontinenteko per capita errentarik apalena.

Erakundeak kezkatzeko beste bi arrazoi ikusi ditu: alde batetik, hego hemisferioan neguan sartzeko zorian dira, eta horrek arnasbideetako gaitzak ugaritzea ekar dezake, eta, ondorioz, koronabirusa errazago zabaldu eta erietxeak kolapsatzea.

Gainera, urakan sasoia hasiko da laster kontinentearen erdialdeko eta iparraldeko hainbat gunetan. Horrek kalte egin diezaioke osasun zerbitzuari, eta garbitzeko ura aurkitzea zaildu herritarrei.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna