Foruzaingoak 29 urteko gizonezko bat atxilotu du Lizarran (Nafarroa), 23 urteko emakumezko bati sexu eraso bat egitea egotzita. Andreak salaketa bat jarri zuen Foruzaingoan, gizonezkoak bere askatasun sexualaren kontra egindako hainbat erasoren berri emanez. Lizarran bizi dira biak.
Foruzaingoak kaleratutako oharraren arabera, erasotzailea eta biktima etxebizitza berean bizi ziren, beste pertsona batzuekin batera. Emakumezkoak salaketan kontatu duenez, gizonezkoa, hasieran, hitzez jazarri zitzaion; gero, ukituak egin zizkion, eta, ondoren, bortxatu egin zuen.
Erasotzaileari urruntze agindua ezar diezaiotela eskatu du biktimak.