23 positibo detektatu dituzte Tuterako agerraldian

Beste agerraldi bat gertatu da Iruñean, eta bost pertsona kutsatuta daudela baieztatu dute

Nafarroako Gobernuko Osasun kontseilari Santos Indurain.
Nafarroako Gobernuko Osasun kontseilari Santos Indurain. Jesus Diges / Efe Tamaina handiagoan ikusi

Igor Susaeta -

2020ko uztailak 9 07:10

COVID-19aren bi agerraldi izan dira Nafarroan azken orduetan. Santos Indurain Nafarroako Gobernuaren Osasun kontseilariak jakinarazi du Tuterako agerraldian 23 pertsonak positibo eman dutela, eta Iruñekoan, bostek. Indurainek nabarmendu du egoera aztertzen ari direla ikusteko zein neurri har daitezkeen.

Tuterako agerraldiari dagokionez, Indurainek adierazi du bi kasu detektatu zituztela aurreko egunetan. Horiek «ezkontza batean» kutsatu ziren. Beraz, atzo PCR proba egin zieten 34 pertsonari, eta guztira 23 dira agerraldi horrekin lotuta atzemandako positiboak. Horietako bat ospitaleratu egin dute. Iruñeko agerraldiaz esan du bazekitela bi pertsona kutsatuta zeudela, PCR probak egin dizkietela ingurukoei, eta beste hiruk eman dutela positibo. «Familia baten barruan gertatu da».

Indurainen esanetan, bazekiten udan agerraldiak egongo zirela. «Eta aurrerantzean ere agerraldiak izango ditugu». Carlos Artundo Nafarroako Gobernuko Osasun zuzendariak ere nabarmendu du agerraldiak egongo direla, eta iruditzen zaio «inportanteena» dela horiek nola kudeatzen diren. Detekzioan eta kutsatutakoen zein kutsatutakoen «gertuko pertsonen» bakartzeetan jarri du azpimarra.

Gaitza azkar detektatzea da Nafarroako Gobernuaren «helburua», eta herritarrei esan die sintomarik baldin badute osasun etxeekin jar daitezela harremanetan. «Ondoren, 24 orduren buruan jakingo dute sintoma horiek gaitzarenak ote diren».

Duela hiru bat aste Sunbillan eta Iruñerrian izandako agerraldiak ere izan ditu hizpide, eta esan du kontrolpean daudela, nahiz eta ez dauden «guztiz itxita». Iruñerrikoan 14 pertsonak eman zuten positibo, eta Sunbillakoan, 21ek.

Maskarak, «nahitaez»

Ez da agindu bat, baina Artundok esan du maskarak «nahitaez» erabili behar direla, izan «barruko espazioetan, izan kanpokoetan». Gaineratu du segurtasun distantzia mantendu behar dela pertsonen artean, higiene neurriak hartu behar direla, eta toki itxietako aireztapena «oso inportantea» dela.

Bestetik, Nafarroako Ospitalean «ez dago nobedaderik» COVID-19agatik ospitaleratutakoei dagokienez. 17 pertsona daude ospitaleratuta; horietako bat dago ZIU zainketa intentsiboen unitatean.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iragan astean zabaldu zituzten tabernetako terrazak Nafarroan, eta jendetza bildu da. ©IÑIGO URIZ / FOKU

Kasuen jatorria argitzen

Ion Orzaiz

Eusko Jaurlaritzak adierazi du COVID-19aren transmisioa komunitarioa denean «ezinezkoa» dela jakitea jendea non kutsatu den. Nafarroan, ordea, astero ematen dituzte datu horiek. Adituek nabarmendu dute azterketa zehatzagoak behar direla.

 ©IDOIA ZABALETA / FOKU

«Entrenamendu bat da Euskaraldia; partida ez da hasi ere egin oraindik»

Lander Muñagorri Garmendia

Jauregik uste du euskararen erabileraren benetako unea ezagutza unibertsalizatzen denean hasiko dela. Bien bitartean, etorkizunean hiztunek hartu beharko dituzten jarreretan trebatuz joateko tresna izango da Euskaraldia, hark dioenez.

<b>Japoniako herritar batzuk, maskara jantzita, Tokioko erdigunetik paseoan.</b> ©KIMIMASA MAYAMA / EFE

Superkutsatzaileak lehentasun

Gorka Berasategi Otamendi

Zenbait ikerketaren arabera, koronabirusaren kutsatze gehienak infektatu gutxi batzuek eragiten dituzte. Horiek identifikatzea helburu duten estrategiak ezarri dituzte Japonian eta Hego Korean.

PCR testak egiten, artxiboko irudi batean. ©JON URBRE / FOKU

Eguberrietan, Jaurlaritzak nahi du hamar lagun biltzea gehienez

Joxerra Senar

Ostalaritzaren itxierari eta mugikortasunaren gaineko mugei eutsi egingo die Gasteizko gobernuak, gutxienez abenduaren 9ra arte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna