Athleticen ikur nagusia da Iribar. Jarraitzaileek gehien maite duten ordezkari zuri-gorria da. Beste inork baino partida gehiago jokatu ditu Athleticeko elastikoarekin: 613 neurketa guztira. 1960 eta 1970eko hamarkadetako atezainik onentsuena izan zen. Ezinezkoena zirudiena erraz egiteko gaitasuna zuen, eta Espainiako bi Kopa irabazi zituen. Erretiroa hartutakoan, klubeko ia postu guztiak ezagutu ditu, eta, egun, klubeko ordezkaria da. Zelaitik kanpo ere sarri erakutsi du inplikazioa. Ikurrina ilegala zenean, derbi batean bandera horrekin zelairatu zen Iñaxio Kortabarriarekin batera, eta irudiak bira eman zion munduari. Horretaz gain, euskarazko lehen kirol hiztegia sortzeko eman zuen bere agurreko norgehiagokan bildutako dirua.
Zarautz, Gipuzkoa, 1943
Jose Angel Iribar
Iruzkinak
Ez dago iruzkinik
Ordenatu
