Hiru euskal herritar hil dira Suitzako Alpeetan, arroila bat jaisten ari zirela

Haiekin zihoan beste kide bat desagertuta dago. Atzo izan zuten istripua.

Bideak itxi dituzte, erreskate lanak egiteko.
Bideak itxi dituzte, erreskate lanak egiteko. GIAN EHRENZELLER / EFE Tamaina handiagoan ikusi

Berria -

2020ko abuztuak 13

Hiru euskal herritar hil dira Alpeetan arroila jaitsieran ari zirela, eta beste bat desagertuta dago. Atzo izan zuten istripua, Parlitobeleko arroilan, Suitzako San Galo kantonamenduan. Ordutik bila ari dira galduta dagoena aurkitu nahian, eta, gauean etenaldia egin badute ere, gaur berriro ekin diote lanari.

San Galo kantonamenduko Poliziak adierazi duenez, biktimak 30, 33, 38 eta 48 urtekoak dira, Allo eta Arakil (Nafarroa) herrietakoak. Hanspeter Krusi kantonamenduko Poliziako bozeramaileak azaldu duenez, sei laguneko taldea zen, baina bi lagun istripua izan baino lehenago itzuli ziren. 16:00ak aldera banandu zen taldea, eta beranduago elkartzekotan geratu ziren.

18:10ean hasi zen ekaitza arroilan, eta ordu eta erdi iraun zuen. Guztira 25-30 litro jausi ziren metro karratuko. Erreskate taldeek 19:30ean jaso zuten emergentzia abisua, eta 23:20ean aurkitu zituzten bi mendizaleren gorpuak, arroila amaitzen den lakuaren inguruan. Hirugarren gorpua 23:50ean aurkitu zuten, hura ere aintziratik gertu. Kantonamenduko Poliziak azaldu duenez, ekaitzak sortutako uholdeak helarazi zituen bertara. Beste pertsona bat oraindik ez dute topatu. Krusik nabarmendu du eskura dituzten baliabide guztiak erabiliko dituztela galduta dagoen mendizalea bilatzeko.

Armin Grob Alpeetako erreskate zerbitzuko zuzendariak azaldu du bi aditu sartu zirela arroilara lau kideen bila; izan ere, oso arriskutsua zen miaketa airetik egitea. Eguraldiak asko zaildu zuen egoera, eta guztira 100 pertsonak parte hartu behar izan zutela gehitu du.

Suitzako ATS berri agentziaren arabera, laurak gidaririk gabe ari ziren arroila jaisten, eta Krusik nabarmendu du kirolean esperientzia handikoak zirela.

Europa Pressen arabera, hasiak dituzte gorpuak aberriratzeko tramiteak. Egunak aurrera egin ahala informazio gehiago emango dutela adierazi dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna