Hezkuntza

Hiriburun elkartu dira murgiltze ereduaren esperimentazioaren alde

Ipar Euskal Herriko hainbat hautetsi bildu dira Hiriburuko Baste Quieta eskolan, murgiltze ereduaren esperimentazioa sostengatzeko.

Baste Quieta eskolaren aitzinean elkartu dira hainbat hautetsi. GUILLAUME FAUVEAU
Oihana Teyseyre Koskarat.
2020ko irailaren 1a
11:58
Entzun

Jean Rene Etxegarai, Alain Iriart, Mathieu Berge, eta Max Brisson hautetsiak izan dira, besteak beste, goizean Hiriburuko (Lapurdi) eskolan egin duten elkarretaratzean. Murgiltze ereduaren esperimentazioa ezarri nahi zuten Baste Quieta eskolan, ama eskolako haurrentzat. Paristik debekua jaso zuten uztailean. Atzo, Ipar Euskal Herriko hautetsi delegazio bat joan zen Parisera, Frantziako Hezkuntza ministerioko kontseilari batekin mintzatzera. Bilkuran ez zuten baiezkorik jaso, eta negoziaketek segitu beharko dutela adierazi zuen Alain Iriart Hiriburuko auzapezak.

Max Brissonek atzo iragan zen bilkura aipatu du: «Parean ukan dugun kontseilariak murgiltze ereduaren esperimentazioa jartzeko koadro juridikoan zona gris bat bazela erran digu. Baina legeak hobetzen ahal direla erran diot».

Ipar Euskal Herriko beste herrietako auzapezak ere hurbildu dira. Gainera, Seaskako, elebidun giristinoko eta elebidun publikoko ordezkariak ere bertaratu ziren, Ikas bi eta Biga bai guraso elkarteekin batera.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.