Gipuzkoako zahar etxe batean egoiliar bat hil da

 Egun, 51 kasu positibo daude Gipuzkoako adinekoen egoitzetan. Abuztuaren 11n, birusa berriz ere zahar etxeetan atzeman zuten, eta, ordutik, lau egoiliar hil dira. 

Adinekoen egoitza bat, artxiboko irudian. MARISOL RAMIREZ, FOKU
2020ko irailaren 8a
17:39
Entzun

Gipuzkoako Foru Aldundiak jakinarazi duenez, Hernaniko Santa Maria Magdalena egoitzako egoiliar bat zendu da birusak jota. Gainera, azken orduetan, hainbat egoitzatan egindako PCR probetan, hamaika positibo atzeman dituzte, horietako hiru Hernaniko zentro berean. Bertze bi egoiliarrek gainditu egin dute birusa. 

Eider Mendoza Gipuzkoako Gipuzkoako Foru Aldundiko eledunak jakinarazi duenez, 51 dira Gipuzkoako zahar etxeetan dauden kasu positiboak. Lau egoitzatan daude kasu horiek: Hernaniko Santa Maria Magdalena egoitzan, Errenteriako Jesusen Bihotza egoitzan eta Donostiako Alai etxe eta Garate-San Ignazio egoitzetan. 

 Abuztuaren 11n birusa berriz ere egoitzetara iritsi zenetik, lau dira Gipuzkoako zahar etxeetan hildako egoiliarrak. 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.