«Bilboko Ur Patzuergoak ur beltzak eta hondakin urak isurtzen ditu Bilboko itsasadarrera, inongo justifikaziorik gabe». Hori salatu dute gaur Erandioko Auzokideok eta Getxoko Auzokideok auzo taldeek, eta Eguzki eta Ekologistak Martxan elkarte ekologistek. Azaldu dute azken urteetan ohiko jarduna bilakatu dela, «osasun publikoan eta ingurumenean izugarrizko eragina duten arren».
Zehazki, Galindoko Araztegiak azken hiru hilabeteetan bainu sasoian eginiko isurketak salatu dituzte. Argi utzi dute milaka metro kubiko hondakin-ur isuri dituztela itsasadarrera ekainean, uztailean eta abuztuan, «hori guztia, gainera, euriteen ondorioz garraio sareak izango lukeen asetasunik gertatu ez denean». Ez hori bakarrik: adierazi dute ur patzuergoak Lamiakon duen ponpaketa geltokitik ere astero isurtzen dituela ur beltzak.
Oharra sinatu duten taldeen iritziz, egoera larria eta onartezina da, eta azalpenak emateko eskatu diote Bilboko Ur Patzuergoari eta URA Uraren Euskal Agentziari: «Arrazoiak, ondorioak eta, jakina, egoera horri lehenbailehen amaiera emateko ezarriko dituzten neurriak».
Vecin@s #Getxo denuncian contaminación por filtraciones en la playa Las Arenas#Getxoudala#SosDeiak#ekologistakmartxan#eguzkieh#elcorreodigital
— getxoko auzokideok (@auzokideok) August 21, 2020
Diego es muy claro:
"Yo no me bañaria en esta playa. Llevamos años denunciando este problema pero no hacen ni caso." 😢 pic.twitter.com/ssjWJwxG8k