Pasaiako (Gipuzkoa) portuan itsasora erori eta desagertuta zegoen arrantzale baten gorpua aurkitu dute arratsaldean.
Ezbeharra 02:30ean gertatu da: bi gizon portuan arrantzan ari ziren, eta itsasora erori dira. Batek bere kabuz ateratzea lortu du, eta larrialdi zerbitzuetara deitu du. Orduan, beste arrantzalearen bila hasi dira itsas salbamenduko ontzi bat eta Gurutze Gorria. Goizean goizetik, Ertzaintza eta suhiltzaileak ere bila ari dira. Hildako arrantzaleak 43 urte zituen, eta Pasaiakoa zen.