Indarkeria matxista

Labanaz eraso egin diote andre bati Donostian, eta larri dago

Bikotekidea atxilotu dute erasotzailea izatea leporatuta; 52 urteko gizonezko bat da.

arantxa iraola
2020ko azaroaren 24a
08:51
Entzun

Emakume batek labanaz egindako eraso bat pairatu du gaur goizeko bostak aldera Donostian, eta larri dago, erietxean. Eusko Jaurlaritzako Segurtasun Sailaren arabera, berehala hasi dute gertatutakoa argitzeko ikerketa, eta andrearen bikotekidea atxilotu dute, erasotzailea izatea egotzita, 52 urteko gizonezko bat. Erasoa Gros auzoko pentsio batean gertatu da.

Polizia iturriek adierazi dute andrazkoak gutxienez bi labankada dituela, lepo aldean. Azaldu dute, halaber, aurrez emakumeak bikotekidearen partetik indarkeria matxista pairatu zuela erakusteko espedienterik ez dutela atzeman erasoaren gainean abiatu duten ikerketan.

Ertzainek eta Donostiako udaltzainek batera jardun dute operazio honetan.

 

 

 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.