Albistea entzun

Carolo 50-57 Gernika

Eskura du sailkapena

Gerniak partida bikaina jokatu du, eta 50-57 hartu du mendean Carolo multzo faseko bigarren lehian. Gaurko Biharko partidaren zain, ia ziurra da aurrera egingo duela. Colhadok 21 puntu sartu ditu, eta 15 errebote jaso. Onena izan da.

Eskura du sailkapena
Eskura du sailkapena Tamaina handiagoan ikusi

Ainara Arratibel Gascon -

2021eko urtarrilak 21

Lointek Gernikak ia bi oinak ditu Eurokopako hurrengo fasean. Partida bikaina jokatu, eta bizkaitarrek 50-57 hartu dute mendean Fammes Carolo, multzoko faseko bigarren partidan, Valentziako burbuilan. Frantziako taldea zen itxuraz multzoko talderik indartsuena, baina Mario Lopezen taldeak txiki utzi du. Bihar jokatuko du azken partida Clarinosen aurka (21:00, ETB4). Baina galduta ere, ia ziurtzat jo daiteke hurrengo fasean izango dela. Handia izan da Nadia Colhadok egindako partida. Brasildarrak 21 puntu sartu ditu 15 errebote jaso eta hiru asistentzia banatu, bere talde ohiaren kontra. Eskerga izan da ere Arrojo, Lo eta Ivanovic bezalako jokalariek egindako lana eta ekarpena.

Hirugarren laurdenaren azken txanpan, gehien sufritzen ari zenean, ez du amore eman Gernikak. Jokalari garaiekin egindako zonakako defentsa eraginkor batekin, partida irauli, eta garaipena eskuratzea lortu du. Meritu handikoa. Izan ere, bere saskiratzaile onenak, Angela Bojrklundek, ez du punturik sartu. Gainera, errebotean nagusi izan da Caroloren tankerako talde fisiko baten aurrean.

Hasieratik ikusi da Gernikak lehen norgehiagokan baino zailtasun gehiago izango zituela saskiratzeak lortzeko. Ahalmen fisiko handiko taldea zuen aurrean, eta teknikoki abila. Frantziarrek min egin diote partida hasieran bere trantsizio azkarrekin, eta 8-2 jarri dira aurretik. Jokaldiak ondo landuz, eta Lo eta Colhado gidari zirela, partida orekatzea lortu dute bizkaitarrek: 10-10 berdinduz. Pena bakarra Lok hiru falta egin dituela lehen laurden horretan. Baina  lehiakor izan da Gernika, lan serioa eginez, eta  lehen 10 minutuak aurretik amaitu du: 15-18, Colhadok txirrina jotzearekin batera sartutako saskiratze batekin.

Frantziarrak deseroso ari ziren. Mario Lopezen taldeari ez zitzaion lehia joan- etorrikoa izatea komeni, eta pazientziaz jokatu du. Baina ez du partida apurtzen jakin, erasoan pare bat jaurtiketa argi ez dituelako sartu. Hori baliatu egin du Carolok artean izandako abantailarik handiena lortzeko: 30-23. Bigarren aukerak ederki aprobetxatu dituzte frantziarrek, Gernika nekea antzematen hasi baitzen defentsan.

Carolo 35-31 iritsi da arruretik atsedenaldira, eta hiruko batekin ekin zion hirugarren laurdenari. Neurketa hautsi nahi zuen. Laurden horren erdian bederatzi punturen aldea zuen: 42-33. Baina Gernikak ez ditu besoak jaitsi. Buchek hartu du taldea gidatzeko ardura, eta zonakako defentsari esker partidan sartuta jarraitu du, eta bere alde jartzen jakin du. Ivanovicen 3+1eko jokaldi batekin berdindu egin du neurketa: 44-44, baita aurretik jarri  ere. Hirugarren laurdena sei puntu aurretik bukatu du: 44-50.

Laugarrena ere bikain hasi du, eta bederatzira handitu du errenta: 44-53. Defentsan, Carolori ez zion zirrikiturik uzten. Frantziarrek estutu egin dute, eta hiru puntura jarri ziren: 50-53. Baina bizkaitarrek ondo eutsi diote, eta beste behin Colhadok gauzak bere lekuan jarri dute, biko bat sartu, eta errebote bat jasoz. Garaipen handia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Osasun egoerara egokitu dute aurtengo Euskal Herriko Itzulia

Osasun egoerara egokitu dute aurtengo Euskal Herriko Itzulia

Julen Etxeberria

Apirilaren 5ean hasiko da, Bilbon jokatuko den erlojupeko batekin, eta 10ean amaituko da, Arraten. Antolatzaileek zaleei eskatu diete ez biltzeko Itzuliaren inguruetan. 

 ©Aritz Loiola / Foku
 ©GORKA RUBIO / FOKU

«Beste dinamika batean gaude orain»

Aitor Manterola

Donostiako taldeak hiru partida irabazi ditu denbora gutxian. Bihar derbia jokatuko du etxean, Retabet Bilbo Basketen kontra (20:45).
 ©BOB EDME / BERRIA

Banakakoa du pasio

Julen Etxeberria

Battitta Ducassouk buruz buruko bosgarren txapela irabazi nahi du etzi, Hazparnen, Luis Sanchezen aurka. Azaldu duenez, iazko urte «arraroak» kalte egin dio, baina azken hiru asteetan «lan handia» egin du Panpi Ladutxerekin, eta «prest» da lehiarako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.