Arantxa Tapia Eusko Jaurlaritzako Garapen Ekonomiko eta Ingurumen sailburuak positibo eman du COVID-19a atzemateko proban. Jaurlaritzak berak larunbatean jakinarazi zuenez, etxean dago, eta eztul arina dauka.
Tapiak ostegunean jakin zuen positibo eman zuela, eta, harrezkero, etxean dago. Astelehenean esango diote noiz arte egon behar duen itxialdian. Bere azken ekitaldi publikoa asteazkenean izan zen: Sidenorrek Basaurin (Bizkaia) daukan lantegira joan zen.
Astelehenean bertan, hondakinen prebentzio eta kudeaketa planaren zirriborroaren aurkezpena dauka Tapiak, eta, Jaurlaritzako atarian ageri denez, telematikoki hartuko du parte sailburuak.