Getafek eta Alavesek hutsean amaitu dute Coliseum Alfonso Perez zelaian jokatu duten partida. Neurketa parekatua izan da, eta zakarra; bi taldeek falta ugari egin dituzte, eta ez dute izan gola sartzeko aukera askorik.
Jaitsiera postuetatik aldentzeko beharra zuten bi taldeek, eta oso neurritsu aritu dira, kontu handiz akatsik ez egiteko. Lehen zatian, aukera bakarra izan da, 39. minutuan: Jaime Matak erremate bat egin du area txikitik, korner baten ostean, eta Tachik baloia gelditu du.
Bigarren zatian, gutxi jokatu dute. Etenaldi asko egin dituzte, falten eraginez, eta horrek bi taldeen jokoa trabatu du, ez baitute aukera garbirik izan aurkariaren atera iristeko. Bigarren zatiko aukera bakarra Mauro Arambarri uruguaitarrak izan du, 89. minutuan, baina buruz egindako errematea kanpora joan da.
Berdinketa honekin, Alavesek 19 puntu ditu, eta jaitsiera postuetan dago. Getafek, berriz, 24 dauzka, eta sailkapenaren erdialdean dago, hamabigarren, 24 punturekin.
