Euskotrenek CAFen esku utzi du lau tren egiteko kontratua. Beasaingo konpainiak 950 serieko lau tren egingo dizkio, 32 milioi euroren truke. Beste zortzi milioi euro pagatu beharko dizkio Euskotrenek mantentze lanak egiteko.
Trenak Topoan jarriko ditu Euskotrenek. Berritasun bat izango dute trenek: bakoitzak lau bagoi izango ditu, eta ez hiru orain arte bezala. Euskotrenek azaldu duenez, horri esker hartu ahal izango dute Donostian linea zabaltzen denerako espero duten bidaiari kopuru gehigarria. Gainera, ekitaldi jendetsuak dauden egunetan ere lagungarriak izango dira. Izan ere, lau bagoiko trenetan 385 bidaiari garraitu ahal izango dituzte, horietatik %30 eserita.
