ITP Castingseko Barakaldako (Bizkaia) lantegiaren aurrean, ez dira atzoko irudiak errepikatu. Langileek protesta egin dute, eta, aurreko egunean bezala, errepidean kokatu dira, lantegirako bidea mozteko. Ertzaintzako furgoneta batzuk gerturatu dira, baina ez dira haiengana hurbildu, eta ez da istilurik izan.
Respuesta de la plantilla de PCB-ITP ante la brutalidad desplegada ayer por la ertzaintza.
— LAB Ezkerraldea (@LEzkerraldea) February 2, 2021
Ante su sinrazón y violencia, la dignidad de la clase obrera!!✊ðŸ½âœŠðŸ½âœŠðŸ½ pic.twitter.com/gBLPBSg5j5
Atzo, poliziek hainbat lagun zauritu zituzten. Besteak beste, sudurra hautsi zioten CCOO sindikatuko industria arloko arduradunari, Javi Gomezi. Sindikatuak auzitara joko du, eta zer gertatu zen argitzeko barne ikerketa bat abiatuko duela jakinarazi du Eusko Jaurlaritzako Segurtasun Sailak.
ITP Castingsek Sestaon eta Barakaldon (Bizkaia) dituen fabriketan egindako 83 kaleratzeak salatzeko ari dira protestan langileak. Epaitegietan dago lan erregulazioa, eta hainbat mobilizazio egin dituzte azken asteetan, grebak barne. Jaurlaritzaren bitartekaritza ere eskatu dute, baina ostiralean egitekoa zuten bilkura bertan behera utzi zuen Ekonomiaren Garapeneko Sailak, lantegien sarreratan piketeek egindako «ekintza biolentoengatik eta mehatxuengatik».