COVID-19a atzemateko probetan, 1.248 kasu detektatu zituzten atzo Araban, Bizkaian, Gipuzkoan eta Nafarroan. Bezperan baino proba gutxiago egin zituzten (18.907), eta positibo gehiago atzeman; hortaz, positibotasun tasa ere igo egin da apur bat, %6,6raino. Herrialdeka, 144 kasu atzeman zituzten Araban, 544 Bizkaian, 320 Gipuzkoan eta 228 Nafarroan.
Osasun sarearen egoerari dagokionez, 84 ospitaleratze gehiagoren berri eman du Osakidetzak. Uneotan, COVID-19az kutsatutako 156 paziente larri daude Araba, Bizkai eta Gipuzkoako ZIUetan.