«Gaur 18 urte beldurrak esnatu gintuen. Guardia Zibilak, Euskaldunon Egunkaria itxi, eta lankide eta lagunak eraman zituen atxilo. Otsailaren 20 bakoitzean ezin izaten dut saihestu egun hartako bizipenen zirrara sentitzea». Hala txiokatu du Eider Goenaga Lizaso egun BERRIAko kazetaria denak gaur goizean, Euskaldunon Egunkaria-ren itxieraren hemezortzigarren urteurrena betetzen den egunean.
Gaur 18 urte beldurrak esnatu gintuen. Guardia Zibilak Euskaldunon Egunkaria itxi eta lankide eta lagunak eraman zituen atxilo. Otsailaren20 bakoitzean ezin izaten dut saihestu egun hartako bizipenen zirrara sentitzea. #egunkariaaurrera
— Eider Goenaga Lizaso (@EiderGoenaga) February 20, 2021
18 urte, eta atzo balitz bezala gogoan egun horretan sentitutakoak: amorrua, trixtura, negargurea, kezka, baina baita injustiziari aurre egin eta egunkari berria sortzeko ilusio, indar eta elkartasun giroa ere. #egunkaria aurrera!
— mikel arregi epelde (@mikelarregi) February 20, 2021
Goenagaren hitzek laburbiltzen dute egun hartan Egunkaria-ko langileek sentitutakoa, baina gertakari hark ez zien kazetako langileei soilik eragin, eta hala erakusten dute hemezortzi urte geroago ere urteurren horrek eragiten dituen erreakzioek. Sare sozialetako erabiltzaileek hainbat norabidetan gogoratu dute 2003an jazotakoa, eta askok gertatua ez dutela ahazten gogorarazi dute.
18 urte Euskaldunon Egunkaria itxi zutela. Torrealdaik esan zuen bezala, euskal kultura suntsitu nahi zuten. Eta horretan dihardute oraindik. Ez dugu ahaztuko. https://t.co/BOkfspP1uI
— AitorLI (@TioMiel) February 20, 2021
Oraindik oso ondo gogoratzen dut egun hori, duela 18 urte, gaueko bostak aldera dei bat jaso nuen eta 3 mezu #Egunkaria itxi dute, Xabier Oleaga atxilotu eta Guardia Zibila gure egoitza, Ikastolen elkartearena, miatzen ari da... ezin ahaztu! pic.twitter.com/RRn89NXzC7
— Koldo Tellitu (@KoldoTellitu) February 19, 2021
Beste batzuek, berriz, adierazpen askatasunaren aldeko aldarria egin dute, edo Euskaldunon Egunkaria itxi ondorengo egunetako gertakariak izan dituzte hizpide: torturak, manifestazioak...
18 urte euskarazko #Egunkaria indarrez itxi zigutenetik...
— Jabi Asurmendi (@jabiasurmendi) February 20, 2021
18 urte euskarazko gure kazetariak, atxilotu eta torturatu zituztenetik...
18 urte gure adierazpen askatasuna berriro ere kateatu zutenetik...
18 herri honek, berriro, txarrenari onena atera eta honi buelta eman zionetik. pic.twitter.com/YfQD1TpBHW
Gaur duela 18 urte berdez jantzitako dozenaka gizon armatuk munduan zegoen euskarazko egunkari bakarra itxi zuten. Ondorengo egunetan jakin genuen torturena...
— Malcolm iXa 🆕ï¸Â (@ideiazabaldub) February 20, 2021
Gora #Egunkaria!!! pic.twitter.com/N7hxJq8re6
"Ezin dugu onartu kanpoko indarrak etortzea EHra, gure gazteak eramatea hara eta nahi dutena egitea", M. Otamendi, 2003an, torturatua izan berritan.
— Hodei Iruretagoiena (@hirual) February 20, 2021
Egin zutena ez dugu ahaztuko. Hitz hauen indarra ere ez 🌹 #Egunkaria#torturahttps://t.co/jjbKDqAVVI
Azken hilabeteetan estreinatu dira, besteak beste, itxiera hizpide izan duten Sisiforen paperak antzezlana eta Paperezko hegoak dokumentala. Garai hartan ere, ordea, izan ziren itxieraren aurkako aldarriak kulturaren munduan. Ruper Ordorikaren Zaindu maite duzun hori abestia edo Fermin Muguruzak Espainiako Musikaren sarietan egindako aldarria gogoratu dituzte sare sozialetako erabiltzaileek.
Ruper Ordorikak "EGUNKARIA" euskaldunon egunkariaren alde abesti hau sortu zuen, duela 18 urte gaurko egunez Espainiako Audientzia Nazionalak itxi eta Guardia Zibilak bere Administrazio Kontseilu kideak atxilotu eta torturatu ostean. #Egunkaria#18Urte#5657Torturatu#Memoriapic.twitter.com/brfzmsimvo
— Imanol Nieto (@ImanolNietoCasa) February 20, 2021
Eta #Egunkaria-ren itxiera salatzerakoan, @muguruzafm-k espainiar estatuan jasotako "laguntasuna':https://t.co/sagPtgx0Ox
— Asier Garaialde #NiEreJaizkibelekin (@agara) February 20, 2021
Duela 18 urte itxi zuten "Egunkaria". Zenbait langile atxilotu, inkomunikatu eta torturatu zituzten.
— Aitorbil (@aitorbilbao_) February 20, 2021
ETArekin lotuta omen zegoela arrazoituta itxi zuten egunkaria (gezurra zena). Egiaz, euskaraz idazten zelako soilik itxi zuten.
Hemen "Paperezko hegoak" dokumentaleko atal bat pic.twitter.com/LooUEVPSDB
Egunkariaren itxieraren ostean, ordea, BERRIA sortu zen. Eta, Eneko Fernandezek gogorarazi duen moduan, «Euskaldunon Egunkaria bizi-bizirik dago BERRIAn».
Euskaldunon Egunkaria bizi-bizirik dago @berria n
— Eneko Fernandez (@enekogara) February 20, 2021
Gaur honela
— Aitor Ibero (@aitoribero1) February 20, 2021
18 urte Egunkaria bortizki itxi eta herriak @berria sortu.
Askotan ez gara jabetzen kolpeei aurre egiteko herri honen gaitasunaz#goraherriahttps://t.co/jSguWhR13Hpic.twitter.com/SJKlsXtNB8
Gaur 18 urte #Egunkaria bidegabeki itxi, lagunak atxilotu eta torturatu, eta luze jo zuen sufrikario bat hasi zen. Baina enbor hartatik sortu ziren @Berria-k.
— Kike Amonarriz (@KikeAmonarriz) February 20, 2021
Orduan @argia-n ari nintzen eta bizitutakoa bildu nuen “Madril: etxez inguraturiko 'Audiencia Nacional' bat" artikuluan. pic.twitter.com/bjsOWBu3dH
Euskaldunon Egunkariaren bortxazko heriotza bidegabearen ostean, jaiotza zoragarria ezagutu genuen. @berria Adinez handia da jada. #egunkaria18urtepic.twitter.com/DV4IJDwaQF
— Iñaki Peña (@PatxiLurra) February 20, 2021