Albistea entzun

Jaurlaritzak 25 txertaketa eremu jarriko ditu 100 urtetik gorakoak txertatzeko

BIhar hasiko dira 100 urtetik gorakoak txertatzen Araban, Bizkaian eta Gipuzkoan. 25 txertaketa eremuez gain, herrialde bakoitzean autotik atera gabe txertatu ahal izateko eremu bat jarriko dute.

Adineko pertsona bat txertatzen.
Adineko pertsona bat txertatzen. David Arquimbau Sintes/EFE Tamaina handiagoan ikusi

Maria Ortega Zubiate -

2021eko otsailak 23

Txertaketa planeko bosgarren taldea txertatzen hasiko da bihar Eusko Jaurlaritza. Arabako, Bizkaiko eta Gipuzkoako 100 urtetik gorako biztanleriak asteazkenetik aurrera izango du txertatzeko txanda. Prozesua«era mailakatuan» egiteko asmoa duela azaldu du Jaurlaritzak, eta, horretarako, 25 txertaketa eremu prestatu dituzte hiru herrialdeetan. Horrez gain, lurralde bakoitzean autotik atera gabe txertatzeko eremu bat prestatuko dute. Dena den, Gotzone Sagardui Osasun sailburuak adierazi duenez, beharrizanen arabera, eremu horiek gehitu egingo dira.

Txertaketa fase berriaren nondik norakoak izan ditu hizketagai Sagarduik.  «Osakidetzak deituko die eta esango die non jarriko dieten txertoa», azaldu du. Azpimarratu du «hobe» dela txertaketarako prestatutako eremuan txertatzen badira, eta mugitzeko modurik ez badute, etxera joango zaizkie. Dena den, herrialde bakoitzean autotik atera gabe txertatu ahal izateko eremuak prestatuko dituzte, eta, hori «eraginkorra» bada, eremu gehiago jartzea aurreikusi dutela gehitu du. Donostiako ospitalea, Gasteizko Santiago ospitalea eta Mungiako (Bizkaia) osasun zentroa izango dira autoan txertatzeko hiru eremuak.

Adinekoen txertaketarekin batera, arlo soziosanitarioko eta Osakidetzako langileen bigarren dosiak banatzeko asmoa adierazi du Sagarduik. Haren esanetan, Osakidetzako lehen lerroko langileak jada txertatuta daude, eta profesionalen «herenak baino gehiagok» immunitatea lortu dute. Aurrera begira, osasungintza pribatuko lehen lerroko langileak eta ertzainak, suhiltzaileak eta bestelako oinarrizko langileak txertatzen jarraitzeko helburua dutela gehitu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzaintzaren errepide kontrol bat Bilbo inguruetan. ©Aritz Loiola / Foku

Araba, Bizkai eta Gipuzkoako herrien artean mugitu ahalko da gaurtik

Edurne Begiristain

Bertan behera geratu da udalerrien itxiera, eta baimenduta daude herrien arteko joan-etorriak. Eskola kirola udalerri guztietan martxan jartzeko aukera egongo da

Bilboko manifestaldia

Zaintzaren auzia kalera atera da

Lander Muñagorri Garmendia - Ainhoa Larretxea Agirre - Maialen Arteaga

Mugimendu feministak mobilizazio jendetsuak egin ditu Euskal Herriko hiriburuetan. Zaintza sistema publiko bat eskatzeaz gain, arrazakeria amaitu dadila eskatu dute milaka andrek

Txertaketa, Zarauzko Osakidetzako osasun zentroan. ©Gorka Rubio / Foku

Hegoaldean 80.120 lagunek hartu dituzte bi dosiak

Berria

Intzidentzia tasa handia dela eta, 40 eta 80 urte arteko Legorretako herritarrak baheketa bat egitera deitu dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna