Albistea entzun

Albiste faltsuak

EITBk ukatu egin du «txortaketa» hitza erabili izana 'Ahoz aho' saioan

Hedabide publikoak adierazi duenez, atzotik sare sozialetan bolo-bolo dabilen irudia «faltsua» da.

Irudi faltsuetako bat.
Irudi faltsuetako bat. Tamaina handiagoan ikusi

Berria -

2021eko martxoak 2

Whatsappen, Twitterren, Facebooken... Bolo-bolo zabaldu zen atzo arratsaldean ETB1eko Ahoz aho saioko ustezko irudi bat. Gaurtik Donostiako Ilunben egitekoak diren txertaketa kanpainaren inguruan aritu ziren Saioa Martija eta Ilaski Serrano ETB1en aurkezten duten saioan. Sareetan zabalduriko bideoan, ordea, pantailan ikusten den azpidatzian «Lehen txertaketa masiboa» jarri beharrean, «Lehen txortaketa masiboa» irakur daiteke.

«Ez, ez da egia ETB1eko Ahoz aho saioak txortaketa hitza erabili duela», izenburua duen albistea argitaratu du EITBk gaur. Hedabide publikoak azaldu duenez, irudiak «aldatu» egin dituzte, eta gero zabaldu «EITB Mediaren oker bat izan balitz moduan».

Azaldu dutenez, «Illunbeko txortaketa» eta «lehen txortaketa masiboa» esamoldeak agertzen dira irudiotan, baita «bihartik aurrera hasiko dira txortatzen irakasleak, jantokiko begiraleak edota udaltzainak», eta «Osakidetza Donostiako Illunben gertatzen ari da, bihar txortaketa masibo bati ekiteko» esaldiak ere. «EITB Mediak, ordea, EITB Nahieran atarian saio horren emisioko irudiak berrikusita baieztatu duenez, irudiok faltsuak dira».

Hala ikusten da jatorrizko bideoan.

Lehen ere egin dituzte albiste faltsuak euskal hedabideen izena erabilita. Iazko martxoaren 10ean, sagardotegi garaia bertan behera geratu zela zabaldu zen sare sozialetan, BERRIAren albiste baten itxura duen irudi bat erabilita. Orduan, albiste faltsuaren egileek Astigarragan sagardo garaiari hasiera emateko eginiko aurkezpenaren inguruko albiste bat eraldatu zuten.

BERRIAk bere webgunean eta sare sozialen bidez eman zuen gezurraren berri.

Edonola ere, Gipuzkoako sagardotegiak itxi egin zituzten hiru egun geroago, izurriarengatik. Orduan, bai, egiazko albiste bat izan zen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Subillan egin nahi zuten gasa ustiatzeko proiektua. Artxiboko irudi batean, lursail horietako bat. ©JAIZKI FONTANEDA / FOKU

Eusko Jaurlaritzak uko egin dio Armentia II-n gasa ustiatzeari

Jon Ordoñez Garmendia - Jone Bastida Alzuru - Lander Muñagorri Garmendia

Ohar batean azaldu duenez, Klima Aldaketaren eta Trantsizio Energetikoaren lege proiektua onartu ondoren, «ez du zentzurik». EH Bilduk eta Elkarrekin Podemosek esan dute albiste pozgarria dela

 ©Iñigo Uriz / Foku

Positibo datuek okerrera egin dute: beste 1.142 kasu atzeman dituzte

Jone Bastida Alzuru

Otsailaren 5etik erregistratu den daturik okerrena da. Positibo tasak ere gora egin du: %8,86

Astra Zenecaren txerto dosiak. ©LESZEK SZYMANSKI / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.