«Zerrenda luze baten lehen garaipena». Horrela aurkeztu du EH Baik CDPENAF Natura, Laborantza eta Oihan Eremuen Babesteko Departamendu Batzordearen erabakia. Ahetzeko (Lapurdi) Larre Luzea etxaldeari laborantza sailkapena kendu eta eremua eraikigarri bilakatzeari buruz erabakitzera deitua zen, atzo arratsaldean, Pirinio Atlantikoetako Departamenduko batzordea. Gaur EH Baik jakinarazi du, sailkapena aldatzea ukatu dutela, baina, ezkertiar eta abertzaleen hitzetan, «erabakia ez da behin betikoa».
Zerrenda luze baten lehen garaipena
— EH Bai (@EHBai) March 4, 2021
CDPENAFeko batzordeko kideak, Ahetzeko Larre Luzeanen luxuzko etxebizitzak eraikitzearen aurka posizionatu dira
Gure agiria ð;Â;ŸÂ‘‰ https://t.co/fh3zdyvVMKpic.twitter.com/1WMKlBg1Xq
Prentsaurrekoa egin zuen atzo goizean EH Baik, orain arte laborantzarako izan diren lur batzuetan luxuzko etxebizitzak egin nahi zituztela salatzeko. Promotore pribatu batek eraikuntzarako baimen eskaera egina zuen herriko etxean, eta lursailari sailkapena aldatzea baimendu behar zuen CDPENAFek. «Ez da dudarik: bigarren etxebizitzak izanen dira», deitoratu zuen EH Baik, eta Euskal Hirigune Elkargoan lantzen ari diren Bizitegien Tokiko Planaren eztabaidan kokatu zuen. Azpimarratu zuten erantzun kolektiboak beharrezkoak direla lurraren eta etxebizitzaren arazoa konpontzeko.
