Albistea entzun

Ikerketa

Gorpuzkiak zituzten bi poltsa aurkitu ditu Ertzaintzak Bilboko itsasadarrean

Goizean gizon bat atxilotu dute Barakaldon, Arrigunagan duela bi hilabete azaldutako hankarekin lotuta. Hilketa egozten diote.

Ertzaintzaren itsasontzi bat bilaketa lanak egiten Bilboko itsasadarrean.
Ertzaintzaren itsasontzi bat bilaketa lanak egiten Bilboko itsasadarrean. Ertzaintza Tamaina handiagoan ikusi

Berria -

2021eko martxoak 8

Gaur goizean gizon bat atxilotu du Ertzaintzak Barakaldon (Bizkaia), duela ia bi hilabete Arrigunagako hondartzan (Getxo, Bizkaia) azaldutako gorpuzkiekin lotura duelakoan. Hilketa egotzi diote atxilotuari. Eusko Jaurlaritzako Segurtasun Sailaren arabera, Ikerketa Kriminalerako Bizkaiko Sailak denbora darama jazotakoa ikertzen, eta horren emaitza da atxiloketa. 

Horrez gain, Ertzaintzak gorpuzkiak zituzten bi poltsa aurkitu ditu eguerdian Bilboko itsasadarrean, Ibaizabal ibaian, eta Arrigunagako kasuarekin lotura izan dezaketela dirudi.

Urtarrilaren 10ean hanka zati bat aurkitu zuten Arrigunagan. Ertzaintzak baieztatu ez duen arren, gorpuzkiak Barakaldoko 34 urteko gizon batenak ziren; Gabonetan jo zuten desagertutzat.

Hasieran, Ertzaintzak ez zuen hilketa bat izan zelako susmorik; besteak beste, hipotesietako bat zen desagertutako arrantzale bat izatea, Euskal Herritik urrun itsasora eroritako norbait. Jarraian, Poliziak hainbat egun igaro zituen inguru hartan bilaketak egiten.

Bilbon, hildako baten hondarrak

Bestalde, Ertzaintzak jakinarazi du atzo, 18:00ak aldera, herritar batek hildako bat topatu zuela Bilboko baratze batzuetan, San Adrian auzoan. Dirudienez, gorpuak denbora asko zeraman han, hezurrak eta erropa zatiak soilik aurkitu baitzituzten. 

Baratzeak dauden gunea sarrera zailekoa da, aldapan dago, eta etxegabeko hainbat lagunek gaua igarotzeko baliatzen dituzte hango etxolak. Ikerketa zabaldu du Ertzaintzak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Alarma egoeraren osteko aroaz kezkaz ari dira EAJ eta EH Bildu

Maria Ortega Zubiate

Jaurlaritza erabakiak hartzeko «subiranoa» ez izateak funtsezko arazoak dakartzala azaldu du Otegik. Aldi baterako neurrien eske ari da Ortuzar
Galdakaoko ospitaleko (Bizkaia) ZIUko gune bat. ©MIGUEL TOÑA/ EFE

Ospitaleetako okupazioa gora doa, eta ezinegona adierazi dute agintariek

Edurne Begiristain-Ion Orzaiz Uxue Rey Gorraiz-Arantxa Iraola

740 lagun daude erietxeratuta birusak jota, azken bi hilabeteetako kopururik handiena. Urkulluk baztertu egin du, oraingoz, Labi bilerara deitzea. Nafarroako lau herri perimetralki itxiko dituzte
Cecilia Themme Afan, Carmen A.Cares Mardones eta Izaskun Landaida atzo, Gasteizen. ©ENDIKA PORTILLO / FOKU

Andre migratuak eta arrazializatuak «giza kapitalaren» erreferente dira elkarteetan

Amaia Ramirez de Okariz Kortabarria

Arabako, Bizkaiko eta Gipuzkoako taldeetan jarduten duten hainbat emakume migratu eta arrazializaturi elkarrizketak egin dizkiete, feminismoa eta intersekzionalitatea ardatz. Landaidak goraipatu egin du lana, gogoeta bultzatzeagatik
Urretxindorra proiektuan parte hartutako mentore eta etorkin bat. ©COORDINADORA MENTORIA SOCIAL

Mentoretzak etorkinen gizarteratzea errazten duela ondorioztatu dute

Jone Bastida Alzuru

Mentoretzak dituen eraginak aztertzeko ikerketan parte hartu dute Gipuzkoako SOS Arrazakeriak eta Nafarroako Unibertsitate Publikoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna