Erabateko konfinamenduaren urtea izan zen 2020a. Gizartearen alor asko erabat gelditurik egon ziren hainbat hilabetez jende askorentzat, eta horrek utzitako datuak poliki ari dira zabaltzen. Gaur, banaketa eta dibortzioen inguruko datuak eman dituzte auzitegiek. Ikusi denez, nabarmen gutxitu ziren 2020an.
Hego Euskal Herrian, bikotea adostasunez banatzeko 130 eskaera jaso zituzten. Aurreko urtean 162 izan ziren; 2018an, 152; eta, 2017an, 183. Araban, Bizkaian eta Gipuzkoan, %20,4 gutxiago izan ziren, eta, Nafarroan, %18,4 gutxiago.
Adostasunik gabeko dibortzioak, ordea, 1.565 izan ziren. 2019an, 1.888; aurreko urtean, 1.858; eta, 2017an, 2.137. Beraz, Araban, Bizkaian eta Gipuzkoan, %18 gutxiago izan ziren iaz, eta, Nafarroan, %13 gutxiago.
Adosturiko dibortzioak, berriz, 3.178 izan ziren. Aurreko urtean baino 444 gutxiago.
Nafarroan, adostutako 180 dibortzio eskaera aurkeztu zituzten, eta adostu gabeko 98. Araban, 86 izan ziren adostutakoak, eta 51 adostu gabekoak. Gipuzkoan, 177 eta 71, hurrenez hurren. Eta, Bizkaian, 379 eta 157.
