Motozale bat hil da gaur arratsaldean, Mendaron (Gipuzkoa), 18:30ak inguru zirenean. Eusko Jaurlaritzaren Segurtasun Sailaren arabera, Irunerako noranzkoan gertatu da istripua. Iturri horrek adierazi duenez, motozaleak motoaren kontrola galdu du, eta errepideko bazter babesa jo du. Osasun zerbitzuek gidaria artatu zezaten, karriletako bat itxi du Ertzaintzak, baina heriotza baieztatu besterik ezin izan dute egin. Ez dute hildakoaren daturik eman.
20:00etan, artean, karriletako bat itxita zegoen, eta bi kilometroko auto pilaketak eragiten ari zen.