Ertzaintzak 36 urteko gizonezko bat atxilotu zuen atzo Iurretan (Bizkaia), bikotekideari eraso egiteagatik. Eskainitako informazioaren arabera, 10:00 aldera jazo zen gertakaria, kalean bertan. Ertzainek erasotzailea atxilotu zuten, eta polizia etxera eraman. Gaur utzi dute epailearen esku.
Iurretako Udalak eta Anderebide emakume taldeak gertakaria salatu dute, eta elkarretaratze bat egingo dute gaur arratsaldean, 19:00etan, Askondon.